Լուրերու Արխիվ

Gatoghige Dznount

Այնճարի Հայ Կաթողիկէ Համայնքը Նշեց Սուրբ Ծննդեան Տօնը

Կիրակի 25 Դեկտեմբեր 2016-ին, Այնճարի Հայ Կաթողիկէ համայնքը նշեց Սուրբ Ծննդեան տօնը, «Սուրբ Վարդարանի Տիրամօր» եկեղեցւոյ մէջ:

Արդարեւ տեղի ունեցաւ եկեղեցական արարողութիւն Սուրբ և Անմահ Պատարագ, որուն ընթացքին Ժողովրդապետ Հայր Մեսրոպ Թօփալեան քարոզեց ներկաներուն, ու մաղթեց բոլորին խաղաղութեամբ և ուրախութեամբ բարեբեր տարի մը:

Ներկայ էր հոծ բազմութիւն մը, լսելու Սուրբ Ծննդեան հոգեպարար արարողութիւնը: Սրբազան արարողութենէ ետք, եկեղեցւոյ «Աղաճանեան» սրահին մէջ, ժողովրդապետ՝ Հայր Մեսրոպ Թօփալեան, ընդունեց Ս. Ծննդեան շնորհաւորութիւնները: Ներկայ էին գիւղիս հոգեւոր հայրերը, «Կարմիր Լեռ» կոմիտէն, քաղաքապետը, միութեանց ներկայացուցիչները, համայնքները, թաղական խորհուրդներն ու բոլոր կաթողիկէ համայնքի զաւակները, որոնք տօնական հիւրասիրութեամբ շնորհաւորեցին Քրիստոսի Ծնունդն ու իրենց բարեմաղթութիւնները փոխանցեցին Այնճարի կաթողիկէ համայնքին: Հիւրասիրութիւնը կատարուեցաւ Հայ Կաթողիկէ Տիկնանց Վարչութեան կողմէ: 

IMG4919
IMG4931
IMG4934
IMG4925
IMG4941
IMG4937

LOGO en