Լուրերու Արխիվ

Hamazkayin

Համազգայինի «Պարոյր Սեւակ» Մասնաճիւղի Խրախճանք

Կազմակերպութեամբ՝ Համազգայինի «Պարոյր Սեւակ» մասնաճիւղի վարչութեան, Շաբաթ 7 Յունուար 2017-ին, երեկոյեան ժամը 8:00-ին, «Գ. Կիւլպէնկեան» սրահին մէջ տեղի ունեցաւ Ս. Ծննդեան խրախճանք մը, շնորհաւորութիւններ և Ամանորի մաղթանքներ փոխանցելով, և ապրելով հաճելի ուրախ մթնոլորտ մը:

Ներկայ էին՝ Գեր. Տէր Վարուժան Արք. Հերկելեանը, գիւղի հոգեւոր հայրերը, առաքինազարդ Քոյր Թէոպիստէ Պետրոսեանը, Հ.Յ.Դ «Կարմիր Լեռ» կոմիտէի ներկայացուցիչը՝ Ընկ. Աբրահամ Մալգճեան, Այնճարի Քաղաքապետ՝ Վարդգէս Խօշեանը, Համազգայինի Շրջանային Վարչութեան ներկայացուցիչ՝ Տիկ. Թամար Սնապեան-Սուրճեանը, Լ.Օ.Խ-ի Շրջ. Վարչութեան ներկայացուցիչ՝ Ընկհ. Ցողիկ Հաւաթեանը, ինչպէս նաեւ գիւղի մէջ գործող բոլոր միութեանց ներկայացուցիչները, համազգայնականներն ու համակիր հայրենակիցները:

Լիբանանի ու Հայաստանի քայլերգներու ունկնդրութենէն ետք, վարչութեան կողմէ բացման խօսքը փոխանցեց՝ Տիկ. Նաթալի Քէնտիրճեան: Ողջունելէ ետք բոլոր ներկաները, ան ըսաւ,- «Համազգայինի Պարոյր Սեւակ մասնաճիւղի վարչութիւնը ուրախութեամբ բարի գալուստ կը մաղթէ և կը շնորհաւորէ ձեր նոր տարին և Սուրբ Ծնունդը, մաղթելով ամէնալաւն ու բարին: Վարչութիւնը նախատեսեց որպէս առաջին ձեռնարկ ունենալ այս գեղեցիկ հաւաքը՝ Այնճարի պատկան մարմիններու և համազգայնականներու հետ: Բոլորիս մտահոգութիւնները նոյնն են այսօր, ինչպէս խանդավառել երիտասարդութիւնը, և անշուշտ մեր նպատակը պիտի ըլլայ յանձնառու ըլլալ մշակութային նախաձեռնութիւններուն, պահպանելով ազգային գիտակցութիւնն ու մշակութային աւանդութիւնները: Երգչախումբը, պարախումբը, և ակադեմիան պիտի կանգնին, և այս բոլորը կը պահանջեն հաւաքական աշխատանք և զօրակցութիւն»:

Օրուան հանդիսավարն էր՝ Ընկ. Յովհաննէս Խօշեան: Շնորհաւորելով բոլորին Նոր Տարին և Սուրբ Ծնունդը, ան ըսաւ,-«թէ մենք, հաւաքուած ենք այստեղ, վկան ըլլալու մեր շատ սիրելի մասնաճիւղի գործունէութեան վերածնունդին, որուն համար յատուկ շնորհակալութիւն է բոլոր անոնց և յատկապէս «Կարմիր Լեռ» կոմիտէին, որոնք նպաստեցին այս գործի յաջողութեան: Առանց արդարացի պատճառներով, անցեալին, կտրուեցաւ թափը մասնաճիւղի աշխատանքներուն, մասնաճիւղ մը, որ իր գործունէութեամբ մշակութային կարեւոր շարժում ու ջերմ մթնոլորտ ստեղծած էր գիւղիս մէջ, իր երգչախումբերով, լուսարձակ 40 թատերախումբով, Ռուբէն Նագեան արուեստի դպրոցով, Կաքաւիկ երգի ու պարի համոյթով և մշակութային զանազան ձեռնարկներով: Մաղթանքս է, և վստահ բոլորիս ալ փափաքն է որ վարչութեան առաջնահերթութիւնը ըլլայ այս միաւորներուն վերաշխուժութիւնը: Նպատակը այն է, որ հայ ժողովուրդի կրթական մակարդակը բարձրացնել հայերէն լեզուով և հայ ոգիով: Բոլորիս համար ոգեւորութեան պահ մըն է այս պահը: Երբ կը նայինք դէպի աշխատանքային յաջորդ ամիսները, երբ կը տեսնենք նորակազմ վարչութեան նախաձեռնութեան ոգին, պատրաստակամութիւնն ու նախանձախնդրութիւնը, մեր հոգիները կը լեցուին ուրախութեամբ:

Օրուան մթնոլորտը ճոխացուցին ջուդակահար՝ Մարտիրոս Փալազեան և ձեռնադաշնակահար՝ Շանթ Լոճիկեան: Ճոխ մթնոլորտով, ներկաները վայելեցին Ս. Ծննդեան տաքուկ մթնոլորտը:

Հ.Յ.Դ «Կարմիր Լեռ» կոմիտէի անունով խօսք փոխանցեց Ընկ. Կարօ Փիլաւճեան, շնորհաւորելով բոլորին Նոր Տարին և Սուրբ Ծնունդը, մաղթելով գիւղին բարգաւաճութիւն և ազգային դիմագիծի պահպանում, համայն հայութեան միասնակամութիւն, և հայ զինուորներուն անվտանգ ծառայութիւն ապահովելով Հայաստանի ու Արցախի սահմանները: Ան ըսաւ թէ մշակոյթի պահպանման շահը միշտ Համազգայինի «Պ. Սեւակ» մասնաճիւղին կարգախօսն է:

Ան, մասնաճիւղին մաղթեց կանաչ ճանապարհ, և միասնաբար դժուարութիւնները յաղթահարելու կամքով յաջողութիւն:

Ապա տեղի ունեցաւ տեսաերիզի ցուցադրութիւն մը, որ կը ներկայացներ Համազգայինի «Պարոյր Սեւակ» մասնաճիւղի անցեալի մշակութային կեանքը, պարը, երգն ու թատրոնը:

 Համազգայինի Շրջանային Վարչութեան ներկայացուցիչ՝ Տիկ. Թամար Սնապեան-Սուրճեանը, անդրադարձաւ Համազգայինի վերականգման գործունէութեան, ու ըսաւ թէ պէտք է շարունակենք մեր ազգային ու մշակութային բոլոր աւանդութիւնները՝  ինչպէս թատրոնը, պարախումբն ու երգչախումբը, նեցուկ կանգնելով վարչութեան, որպէսզի մեր երիտասարդութիւնը միասնակամ ուժով վերականգէ մեր բոլոր արժանիքներն ու աւանդութիւնները:

Առաքինազարդ Քոյր Թէոպիստէ խօսք առնելով ողջունեց ներկաները, շնորհաւորելով բոլոր հայրենակիցներուն Նոր Տարին և Սուրբ Ծնունդը: Շեշտելով թէ մենք՝ հայերս, պէտք է Մուսա-լերան քաջարի հոգիներով ապրինք, ու ապրեցնենք, յաւերժ մնանք, ու միասնական ուժով բոլորս մէկ համախմբուինք Արարատի փէշէրուն, կերտուինք հայրենիքի հողին վրայ, որպէսզի նոր սերունդներ ապրին մեր ազգային արժանիքներով ու բարիքներով:

Ընթացքին տեղի ունեցաւ վիճակահանութիւն և նուիրատուութիւններ:

Ժողովուրդը քաջալերական ոգիով, լայն ժպիտներով և մեծ ուրախութեամբ վայելեցին տօնական այս ճոխ մթնոլորտը: 

IMG5828
IMG5815
IMG5795
IMG5794
IMG5780
IMG5790
IMG5766
IMG5757
IMG5744
IMG5752

Hamakoughagan Havak

Համագիւղական Հաւաք Ս. Ծննդեան Տօնին Առթիւ:

Կազմակերպութեամբ՝ Հ.Յ.Դ «Կարմիր Լեռ» կոմիտէի քարոզչական յանձնախումբին, Հինգշաբթի 5 Յունուար 2017-ի, կէս գիշերուայ ժամը 12:30-ին, Սուրբ Ծննդեան եկեղեցական արարողութենէն ետք, հոծ բազմութիւն մը ձեռքերնին բռնած մոմեր, առաջնորդութեամբ՝ «Սուրբ Պօղոս» եկեղեցւոյ հոգեւոր հայրերուն և դպրաց դասին, ուղղուեցան դէպի Այնճարի կեդրոնական հրապարակի կողքին գտնուող մսուր, ուր տեղի ունեցաւ Սուրբ Ծննդեան նուիրուած շարականներու երգեցողութիւն:

Ապա ժողովուրդը ուղղուեցաւ «Սարգիս Զէյթլեան» կեդրոնի շրջափակը, ուր անոնց հրամցուեցաւ տօնական խորհուրդը ներկայացնող հիւրասիրութիւն մը:

Աւանդական դարձած Թմբուկ-Զուռնայի կշռոյթներուն տակ, ժողովուրդը շուրջպար բռնած պարեց և իր խանդավառութիւնը արտայայտեց Սուրբ Ծննդեան տօնին առիթով:

Այնճարի Քաղաքապետ՝ Վարդգէս Խօշեան խօսք առնելով, շնորհաւորեց բոլոր ներկաները, անդրադառնալով թէ Նոր Տարին միշտ և ամէնուրէք եղած է անկիւնադարձային  թուական:

Ան ըսաւ,- «Տօնական ցնծութիւններէ դուրս, նոր տարին նաեւ հաշուեյարդարի և հարցերու վերատեսութեան օր է: Ինչպէս նաեւ առկայ տուեալներու լոյսին տակ, ապագայի մասին նոր ծրագիրներ ու հեռանկարներ որոնելու ժամադրավայր: Նոր տարին կը դիմաւորենք նոր եռանդով, որովհետեւ միշտ ի մտի ունինք նոր մարտահրաւէրներու սպառնալիքները, որոնց դէմ կանգնելու համար, անհրաժեշտ է նաեւ տարին դիմաւորել և ապագային նայիլ յստակ ու նախագծուած տրամադրութեամբ»: Ան շարունակեց ըսելով որ, «Վերականգնենք մեր հաւատքը: Աստուծոյ, Հայրենիքի, Եկեղեցւոյ և Սիրոյ նկատմամբ, վերականգնենք մեր Յոյսը, լուսաւոր ապագայի և նորանոր յաջողութիւններ կերտելու հեռանկարով:  

Ի վերջոյ, քաղաքապետը այս բարեբաստիկ հանդիսութեան առիթով, ամբողջ Այնճարցիներու անունով, բարեմաղթութիւնները փոխանցեց Ն.Ս.Օ.Տ.Տ Արամ Կաթողիկոսին, որ տօնական այս օրերուն, իր խիզախ յանդգնութեամբ կը գտնուի Հալէպ, այդ քաջարի ժողովուրդին չարչարանքները բաժնելու համար: Ապա նաեւ մեր գիւղի ու անոր սքանչելի հայորդիներուն ներկայանալով բարձրաձայն ու ճակատաբաց ըսաւ,-« թէ մենք, պիտի շարունակենք սիրայօժար ու բոլորանուէր կերպով  մնալ ձեր կողքին, վերցնելով նախ ձեր դժուարութիւնները, ապա նաեւ ցնծալ  ձեր նուաճումներով»:

Ապա, արաբերէն լեզուով խօսք առաւ Հ.Յ.Դ «Կարմիր Լեռ» կոմիտէի քարոզչական յանձնախումբէն՝ Թովմաս Հերկելեանը, ուր ան ողջունեց բոլոր հայրենակիցները, և շնորհակալութեան խօսք մաղթեց Հ.Յ.Դ «Կարմիր Լեռ» կոմիտէին, Այնճարի քաղաքապետութեան և MTV պատկերասփիւռի կայանին, որ ներկայ էր և կը նկարահանէր տօնական այս հանդիսութիւնը:

Ներկայ բոլոր հայրենակիցները իրարու բարեմաղթութիւններ փոխանցելով մեկնեցան: 

IMG5597
IMG55555
IMG5548
IMG5567
IMG0675
IMG0677
IMG0660
IMG0659
IMG0657
IMG0653
IMG0650
IMG0645
IMG0640
IMG0642
IMG0638
IMG0634
IMG0623
IMG0632
IMG0615
IMG0612
IMG0607
IMG0609
IMG0601
IMG0600
IMG0599
IMG0598
IMG0595
IMG0588
IMG0585
IMG0562
IMG0559
IMG0552

Daretsnerou Havakouyt

Տարեցներու Ծննդեան Ճաշկերոյթ

2017, 4 Յունուար, Ճաշարան Արեւի մէջ, Այնճարի տարեցները հրաւիրուած էին միասնաբար տօնելու Ս. Ծնունդը: Տէր և Տիկին Րաֆֆի և Հերա Մախուլեաններ, իրենց բալիկներուն՝ Յակոբի և Հայկի հետ, հեռաւոր Ամերիկա ըլլալով, փափաքած էին այս տարուայ Ս. Ծնունդի հաւաքոյթին բարերարութիւն ընել. առ ի երախտագիտութիւն՝ իրենց ծննդավայր Այնճարին, ուր անցուցած էին մանկութիւն և երիտասարդութիւն: 

Զիրենք կը ներկայացնէր տիկ. Քնար Շխրտմեան Գամպէրեան:

Ձեռնարկին բացման խօսքը արտասանեց, Լ.Օ.Խ-ի «Աղթամար» մասնաճիւղի վարչութեան ատենապետուհին՝ Մատլէն Խօշեան, որ գնահատեց Մախուլեան զոյգին այս նախաձեռնութիւնը. մաղթեց անիկա  ըլլայ նախընթաց և բարի օրինակ այլոց եւս: Ընկերուհին շեշտեց թէ ծնողաց փոխանցած հայեցի դաստիարակութիւնը, հայելիի նման ցոյց կու տայ մաքուր նկարագիր և երախտագիտութիւն:

Տէր Միւռոն Քահանայ Աւետիսեանի սեղաններու օրհնութեան աղօթքէն ետք, հոգեւոր հայրերու, Լ.Օ.Խ-ի Շրջ. Վարչութեան ներկայացուցիչ՝ Ցողիկ Հաւաթեանի և 130 տարեցներու ներկայութեամբ, տօնական մթնոլորտ ստեղծուեցաւ, Ժանօ Փամպուքեանի  կողմէ կատարուած խաղերով, մէջբերումներով, և վկայութիւններով՝ բարերարներուն մասին:

Փրկչին ծնունդին խորհուրդը, արդէն բարձր տրամադրութիւն ստեղծեց: Հայկական մեղեդիներու և շուրջպարներու կշռոյթով, երիտասարդի նման պարեցին, երգեցին, ուրախացան:

Տիկ. Քնար բարերարներուն սրտի խօսքը ընթերցեց, յիշատակներ կը պատմէին, և սրտի պարտք կը համարէին հոգեպէս ըլլալու ժողովուրդին հետ՝ տարեց սերունդը ուրախացնելով:

Կաղանդ պապուկը՝ իր նուէրներով շրջեցաւ, բաժնեց, ուրախացուց մամիկներն ու պապիկները:

Հոգեւորականներուն անունով, Տ. Միւռոն քահանայ նշեց թէ Լ.Օ.Խ-ի ընկերուհիները ամէն ջանք ի գործ կը դնեն, ուրախ պահեր ստեղծելու, զանազան առիթներով: Անիկա ըսաւ, դուք առանձին չէք, միշտ ունիք ուրախացնողներ, հեռուից թէ մօտից: Ձեր օրհնութիւնը կը բաւէ միայն:

Թմբուկի եղանակով պարեցին, երգեցին: Բարերարներուն յանձնուեցաւ յուշանուէր՝ վարչութեան կողմէ: 

Ծնունդ շնորհաւորելով, ներկաները գոհ տրամադրութեամբ մեկնեցան...

IMG0522
IMG0520
IMG0513
IMG0518
IMG0511
IMG0509
IMG0507
IMG0506
IMG0505
IMG0504
IMG0362
IMG0368
IMG0361
IMG0354
IMG0352
IMG0348
IMG0350
IMG0346
IMG0342
IMG0340
IMG0336
IMG0335
IMG0331
IMG0327
IMG0328
IMG0320
IMG0325
IMG0317
IMG0315
IMG0313
IMG0305
IMG0300
IMG0304

Jrakalouytsi Badarak

Ճրագալոյցի Արարողութիւն և Պատարագ

Հինգշաբթի 5 Յունուար 2017-ին, երեկոյեան ժամը 3:00-ին, Այնճարի «Ս. Պօղոս» եկեղեցւոյ մէջ տեղի ունեցաւ Տիրոջ ու Փրկչի՝ Յիսուս Քրիստոսի Սուրբ Ծննդեան տօնի ճրագալոյցին Սուրբ և անմահ պատարագը:

Ճրագալոյցի արարողութիւնը պատարագեց Տէր Արսէն Աւագ քհնյ. Քէշիշեանը:

Քրիստոս Ծնաւ և Յայտնեցաւ: Ձեզի Մեզի Մեծ Աւետիս: 

e0beb025-bb4f-43e6-9e32-185a745af41a
ed3bd5a4-e0e8-43d5-b74f-a7c4788d47cc
c798d866-d5a1-4657-98f8-a8b9510cf276
c4aadb20-8593-4564-b167-940e33ceaa87
b9f5d411-8a8e-416c-b32c-e8f4ecdd61e2
a4f43518-92e7-4b88-960a-cee8ff20e027
1589442712208223413333217660204755881485194n
1587330412208229446665943646938898462284198n
1589437712208225813332978178508960192574026n
1587315712208230213332539025459850210615121n
1587191112208221746666714468732987521537522n
1582689612208220946666795708279040203382345n
1582590612208219946666897638474799807690113n
1582358212208223013333254972850984736052340n
1582352112208228846666002909763167882163623n

Setrag Boyadjian

Բախտաւորուած

Տէր և Տիկին Միսաք և Ազատիկ Պոյաճեաններ, բախտաւորուած են մանչ զաւակով մը Սեդրակ  (5 Յունուար 2017)

Կը շնորհաւորենք Տէր և Տիկին Պոյաճեանները, ինչպէս նաեւ իրենց հարազատները, այս ուրախ առիթով:

LOGO en