Լուրերու Արխիվ

moushegh

Մուշեղ Գալշոյեանի Յաւերժող Ճանապարհը

Օրերս Համազգայինի Այնճարի «Պարոյր Սեւակ» մասնաճիւղի մշակութային յանձնախումբի կազմակերպութեամբ «Ս. Զէյթլեան» կեդրոնի «Մովսէս Տէր Գալուստեան» սրահին մէջ տեղի ունեցաւ երեկոյ նուիրուած անուանի գրող՝ Մուշեղ Գալշոյեանին:

Բանախօսը հայրենի մտաւորական, արուեստագիտութեան դոկտոր Թամար Յիվհաննիսեանը հեաքրքրական և բազմաբովանդակ ներկայացուց Մուշեղ Գալշոյեանի ստեղծագործական, հասարակական և ազգային կեանքի մասին բացառիկ կարեւոր և ուշագրաւ փաստեր: Երեկոյի ընթացքին հնչեցին հատուածներ Գալշոյեանի ստեղծագործութիւններէն և ցուցադրուեցան հատուածներ «Ձորի Միրօ» ֆիլմէն:

Լիբանանահայութեան կողմէ ճանչցուած և սիրուած հայ մեծանուն գրողին՝ Մուշեղ Գալշոյեանին նուիրուած այս երեկոն մեծ գոհունակութեամբ ընկալուեցաւ ներկաներու կողմէ և որպէս անմոռաց յուշ կը մնայ գրականասէր այնճարցիներու յիշողութեան մէջ:

WhatsApp-Image-2017-08-04-at-82630-PM
WhatsApp-Image-2017-08-04-at-82627-PM-1
moushegh
WhatsApp-Image-2017-08-04-at-82627-PM

LOGO en