Լուրերու Արխիվ

IMG 6147

Մուսա Լերան հերոսամարտի 102 Ամեակի Ժողովրդային Տօնախմբութիւն

Շաբաթ, 16 Սեպտեմբեր, 2017-ի երեկոյեան ժամը 9:00-ին, հայրենակիցներու հոծ բազմութիւն մը` հետեւելով ՀՄԸՄ Այնճարի շեփորախումբին,  ուղղուեցաւ դէպի Այնճարի Ս. Պօղոս եկեղեցւոյ շրջափակ, ուր տեղի ունեցաւ Մուսա լերան հերոսամարտի 102 Ամեակի ժողովրդային տօնախմբութիւնը` կազմակերպութեամբ ՀՅԴ «Կարմիր լեռ» կոմիտէի քարոզչական յանձնախումբին:

Տօնակատարութեան ներկայ էին գիւղիս հոգեւոր հայրերը, Լիբանանի մէջ Հայաստանի Հանրապետութեան արտակարգ եւ լիազօր դեսպան՝ Սամուէլ Մկրտչեան, Լիբանանի մէջ Հայաստանի Հանրապետութեան հիւպատոս՝ Աշոտ Վարդանեան, Այնճարի բարեզարդման յանձնախումբի նախագահ՝ Պրն. Ճորճ Փուչիկեան,  Այնճարի քաղաքապետ՝ Վարդգէս Խօշեան, ՀՅԴ «Կարմիր լեռ» կոմիտէն, միութիւններու ներկայացուցիչները եւ մեծ թիւով հայրենակիցներ:

Ձեռնարկը ընթացք առաւ Լիբանանի եւ Հայաստանի քայլերգներով, կատարողութեամբ` ՀՄԸՄ-ի Այնճարի շեփորախումբին, ապա օրուան հանդիսավար Կրէյս Գալուստեան բեմ հրաւիրեց ընկհ. Մարինէ Գարայեան, արտասանելու տօնակատարութեան բացման խօսքը:

 Ընկհ. Մարինէ Գարայեան նախ բազմութիւնը հրաւիրեց մէկ վայրկեան յոտնկայսի՝ յարգելու համար յիշատակը Մուսա Լերան հերոսամարտի նահատակներուն եւ վերջին շրջանին Լիբանանեան բանակի տուած զոհերուն, ապա ըսաւ, որ մեզ մէկտեղողը, ամէն տարուայ պէս, դարձեալ Մուսա լերան ոգին է, որ մենք մէկտեղուած ենք՝ ոգեկոչելու Մուսա Լերան նահատակներուն մղած հերոսամարտի սխրանքը: Ան շարունակեց. «Ոչ մէկ ճիգ պիտի խնայուի Այնճարի հայկական դիմագիծի պահպանման, Այնճարի բարեզարդման եւ քաղաքապետութեան կողքին ու գիւղիս մէջ գործող երեք համայնքներուն ու քոյր միութեանց հետ ձեռք-ձեռքի պիտի շարունակենք ճառագայթող Այնճարը պահել ամբողջ հայութեան ներշնչման անսպառ աղբիւրը, այնպէս ինչպէս՝ 102 տարիներ առաջ Մուսա Լերան ժողովուրդը 40 օրերու հերոսամարտով իր ազդու պատգամը փոխանցեց ե՛ւ թուրքին, ե՛ւ յաջորդող սերունդներուն:»

Ապա գեղարուեստական յայտագիրի առաջին բաժինը տեղի ունեցաւ, ուր Համազգայինի «Քնար» պարախումբը ներկայացուց ազգագրական պար մը:

Օրուան պատգամախօս ընկ. Յակոբ Հանտեան ըսաւ. «Այսօր, մենք կը նշենք Մուսա Լերան հերոսամարտի 102 ամեակը: Ժամանակը շատ բաներ փոխած է, սակայն թշնամին կը մնայ նոյնը: Թուրքը թուրք է, չի փոխուիր: Ան տակաւին կը պայքարի իր համաթուրանական երազներուն հասնելու: Այս դարուս, պէտք է արթուն ըլլալ, որովհետեւ համաշխարհայնացման ալիքը կը սպառնայ բոլոր ազգերու զաւակներուն, հեռացնելով անոնց իրենց ազգային արմատներէն, սովորութիւններէն եւ  աւանդութիւններէն»:

Ընկ. Յակոբ Հանտեան վեր առաւ Մուսա լերան ժողովուրդի սխրանքի կարեւորութիւնը 1915 թուականին, ինչ որ իրագործուեցաւ ժողովուրդի քաջութեան, միասնականութեան եւ առողջ բնազդի գոյութեամբ:

Ձեռնարկը շարունակուեցաւ բարձր տրամադրութիւններով ու հայաշունչ մթնոլորտի մը մէջ, ուր ելոյթ ունեցան հայրենասիրական եւ ժողովրդային երգերու մեկնաբան, հայրենի երգիչ՝ Սեւակ Ամրոյեանը եւ աշուղական երգերու մեկնաբան՝ Գարմէն Աճէմեանը:

Խօսք առաւ Հայաստանի Հանրապետութեան արտակարգ եւ լիազօր դեսպան՝ Սամուէլ Մկրտչեան, որ ըսաւ. «Նոյնիսկ 100 տարի ետք եւ որքան ալ որ տարիները անցնին, Մուսա լերան հերոսամարտի յիշատակը վառ կը մնայ ամէն հայու հոգիի մէջ, միշտ յիշելով անոր խորհուրդը ու նակատակներուն զոհողութիւնն ու սխրագործութիւնները:»

Գեղարուեստական յայտագիրին մասնակցութիւնը բերաւ նաեւ Համազգայինի Տհոլահարներու համոյթը:

Տօնակատարութիւնը շարունակուեցաւ ազգային- յեղափոխական երգերով` կատարողութեամբ երգիչներ Սեւակ Ամրոյեանի եւ Գարմէն Աճէմեանի, ինչպէս նաեւ Լալէ Զէյթլեան ներկայացուց պալէի պար մը:

Տօնակատարութիւնը աւարտեցաւ Մուսա լերան աւանդական թմբուկ զուռնայով եւ շուրջպարով` Ս. Պօղոս եկեղեցւոյ շրջափակին մէջ:

Untitled-1
IMG6185
IMG6161
IMG6159
IMG6155
IMG6148
IMG6147
IMG6146
IMG6136
IMG6134
IMG6099
IMG6107
IMG6092
IMG6067
IMG6065
IMG6052
IMG6051
IMG6035
IMG6031
IMG6028
IMG6026
IMG6021
IMG6020
IMG6014
IMG6012
IMG6008
IMG6010
IMG5970
IMG5967
IMG5964
IMG5961
IMG5958
IMG5956
IMG5954
IMG5950
IMG5948
IMG5947
IMG5944
IMG5943
IMG5937
IMG5938
IMG5934
IMG5936
IMG5932
IMG5931
IMG5930
IMG5929
IMG5927
IMG5928
IMG5924
IMG5926
IMG5925
IMG5916
IMG5923
IMG5915
IMG5914
IMG5910
IMG5911
IMG5909
IMG5906
IMG5890
IMG5891
IMG5886
IMG5887
IMG5883
IMG5882
IMG5876
IMG5881
IMG5875
IMG5874
IMG5870
IMG5862
IMG5847
IMG5860
IMG5837
IMG5836
IMG5835
IMG5834
IMG5826
IMG5830
IMG5822
7
2

LOGO en