Լուրերու Արխիվ

 

IMG 20171105 WA0022  

Հովանաւորութեամբ՝ Հ.Մ.Ը.Մ Այնճարի Մասնաճիւղի վարչութեան, սկաուտական խորհուրդին ու խմբապետական կազմին, Կիրակի, Նոյեմբեր 5, 2017-ին, երեկոյեան ժամը 5:00ին, Այնճարի ՀՄԸՄ–ի նորակառոյց համալիրին մէջ տեղի ունեցաւ Այնճարի Հ.Մ.Ը.Մ-ի Վերամուտի Պաշտօնական Արարողութիւնը:

Այնճարի փողերախումբի առաջնորդութեամբ, սկաուտական փաղանգը տողանցելով ուղղուեցաւ  դէպի «Ս. Պօղոս» եկեղեցի, ապա Այնճարի ՀՄԸՄ–ի նորակառոյց համալիր:  Յայտագիրը ընթացք առաւ դրօշակի արարողութեամբ, որուն յաջորդեց սկաուտական աստիճանատուչութիւնները:

Ձեռնարկին ներկայ էին Այնճարի քաղաքապետը, Հ.Մ.Ը.Մ Լիբանանի շրջանային վարչութիւնը, շրջանային սկաուտական խորհուրդն ու խմբապետական կազմը, Այնճարի մարմիններու ներկայացուցիչներն ու Հ.Մ.Ը.Մ-ի համակիրները

Հ.Մ.Ը.Մ Այնճարի մասնաճիւղի սկաուտներուն անունով բարի գալուստի խօսքը արտասանեց քոյր Տաթեւ Ադամեան: Ողջունելով ներկաները, մաղթեց բոլորին որ 2017-2018 տարեշրջանը ըլլայ բեղուն գործունէութեամբ և յաջողութիւններով լի տարի մը, համայն Հ.Մ.Ը.Մ-ի ընտանիքին համար:

Յայտագիրը ընթացաւ սկաուտական խումբերու ներկայացումով:

Հանդիսութիւնը վերջ գտաւ հիւրասիրութեամբ:

Կեցցէ՜ Հ.Մ.Ը.Մ-ի ընտանիքը, մանաւանդ անոր չարքաշ և հայրենասէր սկաուտները:

IMG-20171106-WA0037
IMG-20171106-WA0024
IMG-20171106-WA0038
IMG-20171106-WA0021
IMG-20171105-WA0022
IMG-20171106-WA0025
IMG-20171106-WA0024
IMG-20171106-WA0025

LOGO en