Լուրերու Արխիվ

0108Kevork Hajian

 

Հրապարակի վրայ է դասական եւ  ազգային երգերու հանրածանօթ մեկնաբան՝ Գէորգ Հաճեանի «Յարատեւ Կռիւ» խորագիրով տեսահոլովակը (https://www.youtube.com/watch?v=zss3VgZ8y2E,):

Տեսահոլովակին նախաձեռնութիւնը եղած է անձամբ Հաճեանի կողմէն։

Բառերուն հեղինակն ու պատրաստողը Սամուէլ Թադէոսեանն է, իսկ երաժշտութիւնը կը պատկանի հայրենի երգահան եւ երգիչ՝ Սամուէլ Գալստեանին։

Բնագիրը նաեւ թարգմանուած է անգլերէնի, շնորհիւ Ռուբէն Ճամպազեանի եւ Թաթուլ Սոնենց-Փափազեանի։

«Առայժմ թարգմանութիւնը զետեղած եմ տեսահոլովակին տակը, կը յուսամ նիւթական միջոցներ կը գտնեմ, եւ կարելի կ՚ըլլայ անգլերէնը զետեղել տեսահոլովակին մէջ, տողատակի ձեւով»,- նշած է երգիչը։

Տեսահոլովակը ամբողջութեամբ խաղարկային է եւ համալրուած է կենդանի նկարահանումներով: Այս գծով, անմիջական աջակցութիւն եւ արտօնութիւն տրամադրուած է Հայաստանի Հանրապետութեան եւ Արցախի պաշտպանութեան նախարարութիւններուն կողմէ:

Նկարահանումները տեղի ունեցած են սահմանագիծի վրայ, Մռավի բարձունքներէն մինչեւ Ֆիզուլի զօրամասերը։

Տեսահոլովակին մէջ կ՝արտացոլուի հիմնական չորս միտք.-

  1. – Արուեստագէտին ներդրումը ԱզգայինԲանակ գաղափարին, տալով կենդանի արտայայտութեան ձեւերէն մէկը։
  2. – Երգիչը բացի իր համերգասրահներուն մէջ ունեցած ելոյթներէն, նաեւ պատրաստ է եւ կը մեկնի Հայ Զինուորին երգելու ուղակի սահմանագիծին վրայ, նաեւ խրամատներուն մէջ, քաջալերելու եւ սատար կանգնելու Հայրենապաշտպանութեան վեհ գործին։
  3. – Յիշողութիւնները մեր 90-ական թուականներու ազատամարտիկներու յաղթանակին եւ կապը այսօրուան շարունակուող թշնամիին ոտնձգութիւններուն դէմ պայքարող հայու կամքի արտայայտութիւն։
  4. – Մշակոյթի գործիչն ու Հայ Զինուորը նոյն առաքելութիւնը ունին, Պաշտպանել Հայրենիքի սահմանները, ազգային արժէքները, զէնքով ու երգով, եւ պահանջեալ հարկին նաեւ արուեստագէտին մասնակցութիւնը յարատեւ կռւի այս դժոխքին զէնք վերցնելու հայ զինուորին կողքին։

mahazt

Չորեքշաբթի 27 Դեկտեմբեր, 2017-ին մահացաւ Պօղոս Սարգիս Ղուկասեան (ծնեալ 1946)
Յուղարկաւորութեան արարողութիւնը պիտի կատարուի Շաբաթ 30 Դեկտեմբեր, 2017-ին կէսօրէ ետք ժամը 1-ին, Այնճարի Ս. Պօղոս եկեղեցւոյ մէջ ուրկէ հանգուցեալին մարմինը պիտի փոխադրուի Այնճարի գերեզմանատունը։

Մեր խորին ցաւակցութիւնները կը յայտնենք հանգուցեալին ընտանեկան պարագաներուն եւ հարազատներուն։

IMG 7655

Երկուշաբթի 25 Դեկտեմբեր 2017-ին, Այնճարի Հայ Կաթողիկէ համայնքը նշեց Սուրբ Ծննդեան տօնը, «Սուրբ Վարդարանի Տիրամօր» եկեղեցւոյ մէջ:

Արդարեւ տեղի ունեցաւ եկեղեցական արարողութիւն Սուրբ և Անմահ Պատարագ, որուն ընթացքին Ժողովրդապետ Հայր Մեսրոպ Թոփալեան քարոզեց ներկաներուն, ու մաղթեց բոլորին խաղաղութեամբ և ուրախութեամբ բարեբեր տարի մը:

 

IMG7661
IMG7660
IMG7653
IMG7655

mousa ler

 

Հայոց Ցեղասպանութեան թանգարան-հիմնարկին ջանքերով՝ յաջողեցաւ յայտնաբերել մինչ օրս անյայտ շուրջ քսանհինգ նոր լուսանկար` Մուսա Լերան հերոսամարտի մասնակիցները ֆրանսական ռազմանաւերուն միջոցով տարհանելու տեսարաններով: Այս մասին, դիմատետրի իր էջին, նշած է Հայոց Ցեղասպանութեան թանգարան-հիմնարկի տնօրէն Հայկ Դեմոյեան։

Յայտնաբերուած բնօրինակ լուսանկարները առնուած են 1915 Սեպտեմբերին, ֆրանսական ռազմածովային նաւատորմի սպայի մը կողմէ: Լուսանկարները կը ներկայացնեն նաւակներով խաղաղ հայ բնակչութիւնը դէպի ռազմանաւեր տեղափոխելու գործողութիւնները, նաւերու տախտակամածին անոնց տեղաւորումն ու այլ տեսարաններ:

Նորայայտ բնօրինակ այս լուսանկարները հանրութեան պիտի ներկայացուին 2018 Ապրիլին:

25593961 1147775538693114 1815371010010893609 n

25591678 1147775362026465 6065720364390364266 n

IMG 7674

Երկուշաբթի 25 Դեկտեմբեր, 2017-ին, «Կարմիր Լեռ» եւ «Արամ» կոմիտէներու պատուիրակութիւն մը՝ Ս. Ծննդեան տօնին առիթով, շնորհաւորական այցելութիւններ կատարեց՝ նախկին երեսփոխան՝ Սալիմ Աունի, նախկին նախարարներ Էլի Մարունիի եւ Նիքոլա Ֆաթթուշի, Ասորիներու Դաշնակցութեան կուսակցութեան եւ Լիբանանեան Ուժերու կուսակցութեան կեդրոններ, ինչպէս նաեւ ասորի ուղղափառ համայնքի առաջնորդ Պուլոս Սաֆար եպիսկոպոսին: Պատուիրակութեան կ'ընկերակցէր  Պրն. Ճորճ Փուչիկեանը:

IMG7782
IMG7743
IMG7765
IMG7717
IMG7674
IMG7693

LOGO en