Լուրերու Արխիվ

IMG 20171219 WA0057

Այնճար հայաւանին մէջ արդէն կը տիրէ կաղանդի մթնոլորտ, մայր հրապարակի տօնական զարդարանքներով:

     Ուստի, ԼՕԽ-ի «Աղթամար» մասնաճիւղի ընկերային յանձնախումբը չէր կրնար Նոր Տարուան և Ս. Ծննդեան տօնախմբութենէն անմասն ձգել Այնճարի տիկիններն ու օրիորդները:

     Արդ, Ուրբաթ 15 Դեկտեմբեր 2017-ին, յետմիջօրէի ժամը 3:00-ին, ճաշարան «Նապաա Այնճար»ի  մէջ հաւաքուեցան ԼՕԽ-ական ընկերուհիներ, Շրջանային Վարչութեան ներկայացուցիչ ընկերուհին, շրջանի վարժարաններու ծնողաց յանձնախումբեր, եկեղեցիներու տիկնանց միութիւններու վարչութիւններ, քոյր միութիւններու ներկայացուցիչներ, ԼՕԽ-ի «Շուշի»(Զահլէ) մասնաճիւղի ընկերուհիներ եւ համակիրներ,, միասնաբար  ուրախ  ժամանակ անցընելու, սպասելով 2018-ի բարիքներուն:

     Ձեռնարկի բացման խօսքը կատարեց ընկհ. Անի Քէօշէեան:

     Օրուան հանդիսավարն էր ընկհ. Ծաղիկ Հապէշեան, որ անդրադարձաւ ծառայելու ոգիին եւ հաստատեց, թէ ԼՕԽ-ի կամաւոր ծառայութիւնը կ’ուռճանայ իր իսկ անդամներու ներդրումով: Ապա ընթերցեց Մ. Իշխանի «Սեղանի Շուրջ Կաղանդի» քերթուածը: Ան մէջ ընդ մէջ կազմակերպեց զուարճալի խաղեր:

     Մթնոլորտը ճոխացուց երգիչ Նշան Վարդանեան եւ հաճելի  ներկայացումով  առիթին յարմար մթնոլորտ մը ստեղծեց, խանդավառելով ներկաները: Ան հրաւիրեց զանոնք շուրջպարի ու մենապարի: Պարին եկան միանալու Կաղանդ Պապիկն ու Մամիկը ծանրաբեռնուած նուէրներով, զորս բաշխեցին  ներկաներուն:

     Ընկերային յանձնախումբի ջանքերով հաւաքուած նուէրները բախտաւորեցին ներկաները:

     Ձեռնարկի աւարտին հանդիսավարը շնորհակալութիւն յայտնեց օրուան բոլոր նուիրատուներուն:

 

IMG-20171219-WA0057
IMG-20171219-WA0056
IMG-20171219-WA0055
IMG-20171219-WA0054
IMG-20171219-WA0052
IMG-20171219-WA0053
IMG-20171219-WA0051-1
IMG-20171219-WA0050
IMG-20171219-WA0049
IMG-20171219-WA0047
IMG-20171219-WA0048
IMG-20171219-WA0046
IMG-20171219-WA0044
IMG-20171219-WA0043
IMG-20171219-WA0042
IMG-20171219-WA0041

LOGO en