Լուրերու Արխիվ

Կազմակերպութեամբ Ս. Պօղոս եկեղեցւոյ հոգեւոր հովիւ՝ Արժ. Տ. Միւռոն Քհն. Աւետիսեանի և հոգեւոր լսարան յանձնախումբին ուրբաթ, 30 նոյեմբեր 2018֊ին երեկոյեան ժամը 7։30֊ին եկեղեցւոյ《Գ. Կիւլպէնկեան》 սրահին մէջ տեղի ունեցաւ «երիտասարդական հաւաք», ուր մասնակցութիւն բերին երիտասարդ զոյգեր և ամուրիներ։ 
Հաւաքին բարի գալուստի խօսքը փոխանցեց Տիկին Թամար Խօշեան, ապա Տէր Միւռոն Քհն. Աւետիսեան խորհրդակցութիւն կատարեց զոյգերու համերաշխ ապրելակերպի ձեւերու, մանկավարժական, հոգեբանական և քրիստոնէական տեսանկիւններով, ուր ներկաներն ալ իրենց մասնակցութիւնը բերին կարծիքներ փոխանակելով։
Ընթացքին, տեղի ունեցաւ երգեցողութիւն, տիկին Սիլվա Գարնէշեանի և իր դուստրին՝ Նարօտին ընկերակցութեամբ, ինչպէս նաև տեղի ունեցաւ խմբային երգեցողութիւն։ Մտերմիկ և հաճելի մթնոլորտէն ներկաները գոհ սրտով և հոգիով մեկնեցան սրահէն։ 
Մինչեւ յաջորդ հանդիպում։

IMG-20181201-WA0033
IMG-20181201-WA0028
IMG-20181201-WA0029
IMG-20181201-WA0025
IMG-20181201-WA0030
IMG-20181201-WA0026
IMG-20181201-WA0024
IMG-20181201-WA0032

LOGO en