Լուրերու Արխիվ

Կազմակերպութեամբ Այնճարի Քաղաքապետական խորհուրդին Ուրբաթ 8 Մարտ 2019-ին, առաւօտեան ժամը 11-ին, Ս. Պօղոս եկեղեցւոյ «Գ. Կիւլպէնկեան» Սրահէն ներս տեղի ունեցաւ Կանանց Միջազգային օրուան առիթով   հանդիսաւոր տօնակատարութիւնը:

Ձեռնարկին ներկայ էին Հ.Յ.Դ.  «Կարմիր Լեռ» կոմիտէի ներկայացուցիչը, Այնճարի քաղաքապետ՝ վարդգէս Խօշեան և քաղաքապետական խորհուրդի անդամները, գերաշնորհ տէր  Վարուժան Արք. Հերկելեան, գիւղի համայնքներու հոգեւոր հայրերը, Լիբանանի վիճակագրութեան նախարարութեան ընդհանուր տնօրէն դոկտ. Մարալ Թիւթէլեան Կիտանեան, Պուրճ համուտի քաղաքապետութեան ներկայացուցիչը՝ տիկին Ալիս Պօղոսեան, Ազգային երեսփոխան տիկին վիքի Գարագաշեան- Այնթապլեան, գիւղիս մէջ գործող կանացի  միութեանց վարչութիւններն  ու  ծնողաց խորհուրդի անդամները և մեծ թիւով կանայք և օրիորդներ:

   Բացման խօսքով Զուարթ Քէշիշեան ողջունելէ ետք ներկաները  ան ընդհանուր ծանօթացում մը կատարեց ներկաներուն «Կանանց տօն»- ի պատմական ծագումին ու իրադարցութիւններուն  մասին կեդրոնանալով հայ կնոջ վրայ  ան ըսաւ ,«Բարի, նուրբ ու զգայուն, միաժամանակ ուժեղ ու վճռական, գեղեցիկ ու սիրելի կանանց տօնն է այսօր . Աշխարհի չորս  ծագերուն այսօր կը գովաբանենք ու կը գնահատենք կնոջ ձեռք բերած նուաճումները տնտեսական, քաղաքական, մշակութային ու ընկերային մարզերուն մէջ»: ապա ան իր խօսքը շարունակելով յայտնեց,« Կանայք կեանքի շարժիչ ուժն ու ընտանիքի հիմքն ու հենասիւնն են, նամանաւանդ հայ կինը մեր ազգի յենարանը իր նուիրուածութեամբ, սիրոյ և անձնազոհութեան շնորհիւ՝ միշտ վառ պահած է հայկական օճախի կրակարանը, ինչպէս նաև պահպանած է աւանդութիւններն ու արժէքները»: Ապա ան իր խօսքը ուղղելով ներկայ տիկիններուն ու օրիորդներուն ըսաւ,« Սիրելի կանայք, աղջիկներ, մայրեր ու քոյրեր. Գարնան արեւին  նման կը տաքցնէք ձեր ընտանեկան օճախները, գարնան բուրումնաւէտ ծաղիկներու նման գեղեցիկ, հմայիչ, նուրբ ու քնքուշ էք դուք, տարուան բոլոր եղանակներուն միշտ կը բերէք գարուն, միշտ մնաք շրջապատուած մարդկանց՝ ովքեր գիտեն գնահատել, սիրել ու յարգել ձեզի և ժպիտը թող  անպակաս մնայ ձեր դէմքերէն, ըլլաք առողջ ու երջանիկ»:

Գեղարուեստական յայտագրի առաջին բաժինով ելոյթ ունեցաւ Նժդէհ Պոտրումեան «Նազանի», «Թռչէի Մտքով տուն» և «Ախպերս ու ես» երգերով ուր բարձր տրամադրութեան մէջ պահեց ներկաները: Պարոյր Սթամպուլեան ասմունքեց «Տատրագոմի հարսը», ապա Շաղիկ Հապէշեան, Լիլիթ Աբրահամեան և Դանիէլ Գժտրեան  նուագարաններու վրայ ելոյթ ունեցան «Մեր սիրոյ աշունը»,«Երազ» և «կռունկ» երգերը:

Այնուհետեւ բեմ հրաւիրուեցան գերաշնորհ  տէր Վարուժան  Արք. Հերկելեան, տէր  Աշոտ Աւագ քահանայ Գարագաշեան օրուայ բանախօս՝ դոկտ. Մարալ Թիւթէլեան Կիտանեան, Այնճարի քաղաքապետ՝ Վարդգէս Խօշեան, փոխանցելու իրենց սրտի խօսքերը: Նախ խօսք առաւ տէր Աշոտ քահանայ Գարագաշեան շնորհաւորելով բոլոր ներկաներուն կանանց  միջազգային ուրախ տօնին առիթով և հակիրճ ակնարկով մը անդրադարձաւ գիւղի հիմնադրութեան առաջին դժուար օրերուն ժողովուրդի կրած դժուարութիւններու և նամանաւանդ մայրերուն օրիորդներուն կրած չարչարանքներուն մասին, ուրկիները  միշտ նեցուկ կանգնած են իրեց ամուսիններուն հետ և ձեռք ձեռքի ու սիրտ սրտի տալով անոնց հետ պահած են իրենց ընտանիքներն ու այս գիւղը:  Իր խօսքին մէջ ան յիշեց նաև անցեալի աւադութիւններէն՝ բարեկենդանը, երբ գիւղի կիներն ու օրիորդները առաւօտեան կը հաւաքուէին գիւղի հրապարակը երգերով ու պարերով և աւանդական համեղ ուտելիքներու պատրաստութեամբ հաճելի և ճոխ մթնոլորտի մը մէջ կը պահէին գիւղը: Այս ծիրին նկատմամբ ան խնդրեց գիւղի կանանց միութիւններէն որ վերակենդանացնեն այդ անցեալի աւանդութիւնները:

Ապա խօսք առաւ օրուան պատգամախօսը դոկտ. Մարալ Թիւթէլեան-Կիտանեան: Առաջին հերթին ան շնորհակալական խօսք ուղղեց քաղաքապետական խորհուրդին որ իրեն առիթը ընծայեց «Կանանց Միջազգային տօն»-ին առիթով իր պատգամը փոխանցելու համար: Ակնարկելով  ներկայ կանանց և օրորդներուն, ուր կը կարծեն անոնք թէ պէտք է հաւասար ըլլան այր մարդոց դասակարգին հետ աւելցուց. « Այո, մենք հաւասար իրաւունքներ պէտք է որ ունենանք սակայն իւրաքանչիւր դասակարգ ունի իր յատուկ տեղը, յատուկ պարտականութիւններն ու կարելիութիւնները, և այդպիտով է որ տէր և տիկին, հայր ու զաւակ, աղջիկ և տղայ զիրար կ՝ամբողջացնեն»: Յիշելով  իր տիպար հանգուցեալ մայրը  ուզեց օրուայ պարգեւը իր մօր հոգւոյն նուիրել:

Հետեւաբար խօսք առաւ Այնճարի քաղաքապետ՝ Վարդգէս Խօշեան ու ներկաներուն բացատրեց այդ օրուայ ձեռնարկին կազմակերպութեան մասին ըսաւ,« անցեալ տարի երբ ներկայ էի Լ.Օ.Խ-ի «Աղթամար» մասնաճիւղի «Կանանց Տօն»-ի ձեռնարկին յայտարարեցի որ յաջորդ տարի մարտ 8-ը պիտի ոգեկոչենք քաղաքապետութեան կազմակերպութեամբ ու այսօր ուրախ եմ որ մեր խոստումին տէրը եղանք»:  Ապա ան ըսաւ, «Կինը այս չէ որ մենք կը տեսնենք այս սրահին մէջ ,  այլ տեսէք զինք հոս գալու համար իր պատրաստութեան ընդացքին ինչ փուլերէ անցած է վերցնելու համար տան կարիքներու պատրաստութիւնները: Ընտանիքի պարզ անդամ չէ ան, պարզապէս տան ճաշ պատրաստող կամ լուացք ընողը չէ ան այլ նախ եւ առաջ իր ամուսնոյն կողքին ըլլալով ու հարկ եղած պարագային բոլոր պարտականութիւնները վերցնելու պատրաստակամութեամբ ընտանիքին համար բարօր կեանք ապահովողն է»: Շարունակելով ըսաւ,« կինը դաստիարակն է, տունեն ներս հիւանդապահն է, տաք շունչն ու յոյսն է, կինը տան տնտեսն ու սիւնն է: Հայ կնոջ յատուկ է բարութիւնն ու ջերմութիւնը, հմայնքն ու նրբութիւնը, համբերութիւնն ու հանդուրժողականութիւնը միևնոյն ժամանակ  աշխատասիրութիւնն ու պատասխանատուութիւնը և պատասխանատուութեան գիտակցութիւնը, աւանդապաշտութիւնը, խոհեմութիւնն ու հաւատարմութիւնը: Մարդկային այս բարձր որակներն ալ օգտակար կը հանդիսանայ որ կիները թէ ընտանիքի և թէ աշխատանքի մէջ դառնան վստահելի ընկերներ ու աջակիցներ»: Ան շնորհաւորելով ներկայ բոլոր մամիկներուն, տիկիններուն և օրիորդներուն տօնը, հրաւիրեց գիւղի մէջ գործող կանացի բոլոր միութեանց ներկայացուցիչները և յատուկ  գնահատագիրներ յանձնեց անոնց: Յատուկ յուշանուէրով մը պարգեւատրեց  դոկտ. Մարալ Թիւթէլեան-Կիտանեանը  ուր ան ալ իր հերթին յատուկ նուէր մը փոխանցեց պարոն քաղաքապետին : Աւարտին բեմ հրաւիրուեցաւ գիղի վաստակաւոր ուսուցիչներէն, հարիւրաւոր սերունդներու մայրութիւն ըրած օրիորդ Վերգինէ Այնթապլեան և քաղաքապետութեան շքանշանով մը պարգեւատրուեցաւ, տօնական այս ուրախ հանդսութեան առիթով:

Աւարտին գերշ.  տէր Վարուժան Արք. Հերկելեան խօսք առաւ ու անդրադարձաւ տիրամօր Մարիամ Աստուածածնին  ու ըսաւ,« իր հաւատարմութեամբ, հնազանդութեամբ, բարեսիրութեամբ,մարդասիրութեամբ և իր սիրով դարձաւ աշխարհի ամէնէն ներկայանալի և միշտ յիշուող կինը: Ոչ միայն քրիստոնէական աշխարհին մէջ այլ նաև յարգուած է այլ կրօնքներու ու յատկապէս իսլամական կրօնքին մէջ»,« Աստուած կինը ստեղծեց Մարիամի պատկերով և այն կինը կամ մայրը որ իր հնազանդութեամբ, սիրով, բարեսիրութեամբ և մարդասիրութեամբ պահեց ու  կը պահէ կը նշանակէ որ Աստուածամօր հաւասար կին է»:  Ապա ան  ներկայացուց հայ մայրն ու կինը որպէս ստեղծագործող,  և  պահանջեց ներկաներէն աւելի հոգացու ըլլալ ունենալու համար առողջ ընտանիք, առողջ հայրենիք և մեր ուղին շարունակենք դէպի ամբողջական Հայաստան:

Գեղարուեստական երկրորդ բաժինով ելոյթ ունեցաւ երգչուհի Գլարա Ալիխանեան-Ադամեան :

Ապա Իրմա Տէտէեան կանանց նուիրուած փունջ մը ասմունքնով դիւթեց ներկաները և արժանացաւ բարձր գնահատութեան: Աւարտին Ազգային Յառաջ  «Գ. Կիւլպէնկեան» վարժարանի աշակերտուհիները բեմը ծաղկեցուցին հայկական յատուկ նազպարով մը:

Ձեռնարկի աւարտին ներկայ կանայք  դուրս հրաւիրուեցան հիւրասիրուեցան պահքի աւանդական ուտելիքներով  և ստացան յատուկ ծաղիկներ քաղաքապետութեան կողմէ  և իրարուշնորհաւորանքներ փոխանակելով , ժպտուն ու փայլուն դէմքերով մեկնեցան իրենց տուները:

 

FBIMG1552326477906
FBIMG1552326479840
5335957925595718674180342553457589044117504n
FBIMG1552326488068
FBIMG1552326491890
537047052559593177415903232027817095725056n
5378113025595754340843447813144796800745472n
5360202125595733040845576682171829206908928n
5349836725595752174176994078689605015044096n
5363772525595775340841344374945286473121792n
5335579025595796740839203792805028331257856n
5332170025595793374172872750091005855268864n
5334769325595787540840123960521830497779712n
5321294025595810607504482333654266780057600n
5334759725595782007507343373907255815569408n
5352765325595803307505214190094717301555200n
5347838025595805174171694476507746761441280n
FBIMG1552326450041
FBIMG1552326483998
FBIMG15523264816931
5334366025595846407500908467112365719027712n
FBIMG1552326446304
5357478125595848574167356257566440291827712n
5354772425595858707499675482803388619948032n
FBIMG1552326489720
532970102559578427417378660813042413469696n
5451489625595874674164744929624666185662464n
5320374925595879040830978594750560303841280n

LOGO en