Լուրերու Արխիվ

Լ.Օ.Խ-ի «Աղթամար» Մասնաճիւղը, 20 տարիներէ իր աւանդութիւն դարձուցած է Տարեցներու Ս. Յարութեան ճաշկերոյթը, որ տեղի ունեցաւ երեքշաբթի 27 Ապրիլ 2019-ին, գործակցաբար վարչութեան և Տարեցներու յանձնախումբին: Ճաշկերոյթը տեղի ունեցաւ ճաշարան Արեւի «Պայծառ» սրահէն ներս Բարերարութեամբ Ճաշարան Արեւի տնօրէնութեան, իրենց մեծ մօր Պայծառ Քիւրտեանի յիշատակին: Ներկայ էին գիւղիս հոգեւոր հայրերը, Լ.Օ.Խ-ի Շրջանային վարչութեան ներկայացուցիչ ընկհ. Ցողիկ Հաւաթեան և գիւղի 75 տարիքը բոլորած բոլոր տարեցները:

Բարի գալուստի խօսքը արտասանեց ընկհ. Լիզա Թիւմպէրեան, շեշտը դնելով Լ.Օ.Խ-ականի անսակարկ ծառայութեան հոգիին, օգնելու պատրաստակամութեան ի մասնաւորի տարեցին և կարիքաւորին, որոնք 80 տարիներ ամբողջ ջանք չխնայեցին վերածելու Այնճարը «Դրախտի»: Ան Մաղթեց անոնց ուրախ և առողջ կեանք:

Օրուան հանդիսավար՝ ընկհ. Ռիթա Քիւստպէքեան պատշաճ մէջբերումներ կատարեց անոնց քրտնաջան անխատանքին, 80 տարիներու վաստակին և Այնճարի կերտումին, որոնք այդ ճահիճը վերածեցին այսօրուայ գեղեցիկ և նախանձելի վիճակին:

Հանդիսավարը թարմանեցնելու համար մեր տարեցներու յիշողութիւնը, կատարեց հարց-պատասխանի խաղ մը:

Գեղարուեստական յայտագիրը ճոխացուց գիւղիս զաւակներէն՝ երգչուհի Սեւան Հաճեան, իր ճոխ երգացանկով, ինչպէս նաև փոքրիկն Սագօ Տէմիրճեան երգեց մայրերու նուիրուած երգ մը:

ընկերուհիները Թոնիրի հացով լեցուն «Տապուղ»-ը բռնելով շուրջպար կատարեցին խանդավառելով պապիկները և մամիկները որոնք մոռցան իրենց ոտքերուն ցաւերը և միացան ընկերուհիներուն պարին:

Ապա բաժնուեցաւ թոնիրի հացը բոլոր ներկաներուն:

Տեղի ունեցաւ հաւկթախաղ և կարկանդակի հատում 1939 -ի ծնունդ տարեցներուն կողմէ որպէս խորհրդանիշ Այնճարի հիմնադրութեան 80 ամեակին:

Օրուան շնորհակալական խօսքը մատուցեց ընկհ. Ռիթա Լագիսեան, մաղթելով բոլոր տարեցներուն արեւշատութիւն, առողջ կեանք թոռներուն և ծոռներուն շուքին ներքեւ, ինչպէս նաև յատուկ շնորհակալական խօսք ուղղեց բարերար Ճաշարան «Արեւ»-ի տնօրէնութեան մաղթելով իրենց յարատեւ վերելք:

Հաւաքը վերջ գտաւ տարեցներու օրհնութեան խօսքերով, որոնք մեկնեցան գոհունակ սրտով, մաղթելով Լ.Օ.Խ-ի «Աղթամար» մասնաճիւղին կորով և բեղուն գործունէութիւն:

3543eb7f-c21e-4cfb-9026-a1cd14c9e7e8
01f666d8-436f-467f-a51f-d0e3757a6c8a
a6995775-ae4f-4db3-beaa-bf75c50eee0a
4ceaccbb-b536-462a-9a9f-a65000dbc2e4
8fd73fc3-d0ce-432b-8a4d-2e5924be0e2a
dd4fb57d-5a3a-4a38-abd3-f767181def42
b4bc6c84-20c2-4c7a-a1bd-b0de9471a03b
12b62b67-2894-400a-94ad-1e0a3a11acfe

«Ոգին Ապրիլեան՝ շաչող-շառաչող,
Լեզուով պողպատէ, խօսքով երկաթէ,
Անյաղթ կը գոչէ.- Կենդանի ենք դեռ...» 
Ժագ Ս. Յակոբեան

Կազմակերպութեամբ՝ Հ.Յ.Դ. Լ.Ե.Մ-ի «Շաւարշ Միսաքեան» մասնաճիւղին, Երեքշաբթի՝ 23 Ապրիլ 2019-ին, երեկոյեան ժամը 8:00-ին, Այնճարի մէջ տեղի ունեցաւ Ապրիլեան եղեռնի 104-ամեակի հսկումի երեկոն :

Հսկումին առաջին բաժինը տեղի ունեցաւ «Հետուիկ» սրահին մէջ: Ձեռնարկը ընթացք առաւ Լիբանանի, Հայաստանի և Արցախի քայլերգներով,ապա մէկ վայրկեան յոտնկայս յարգելէ ետք 1.5 միլիոն նահատակներուն յիշատակը, Հ.Յ.Դ. Լ.Ե.Մ-ի «Շ. Միսաքեան» մասնաճիւղի խօսքը արտասանեց ընկեր Պարոյր Սթամպուլեան: Ան ըսաւ.-« Մեզի համար փառաւոր անցեալը՝ մեր անձեռնմխելի սրբութիւնն է, ներկան՝ մեր արմատներուն ուժն ու սնունդը ծլարձակող շարունակութիւնը, իսկ ապագան՝ բիւրաւոր նահատակներու, հին թէ նոր հերոսներու արեամբ ջրդեղուած Ամբողջական Հայաստանն է»: Ապա ան իր խօսքը հաստատեց ու ըսաւ.-«Մենք հպարտ ենք մեր արմատներով, որոնք կը գտուին հայրենիքի ամբողջ տարածքին, մինչդեռ մեր թշնամիին արմատները ոչնչացուած են շատ կանուխ՝ որոնք կը կոչուէին սելճուք, չերքէզ կամ ընդհանրապէս վաչկատուն ցեղ»: Ան իր խօսքը աւարտեց յայտնելով.-« իբրեւ դաշնակցական երիտասարդներ, անգամ մը ևս կը բարձրացնենք մեր արդար պահանջներուն իրագործումը: Հայ դատը պիտի շարունակուի նոյնիսկ երբ դարեր ալ անցնին, պիտի շարունակուի մինչեւ յաղթական դրօշը պարզած ազատագրենք մեր նախահայրերուն կառուցած Մուշը, Սասունը, Վանն ու Մուսա Լեռը»:

Բացման խօսքին յաջորդեց Այնճարի Հայ Աւետարանական երկրորդական վարժարանի աշակերտներէն եռեակ մը, որ ներկայացուց Պարոյր Սեւակի «Անլռելի Զանգակատուն» ասմունքէն բաժին մը, ինչպէս նաև «Տլէ Եաման» երգը:

Օրուան բանախօսն էր Ընկեր Գրիգոր Էքմէքճեան.որ ըսաւ.- «Հսկումի այս երեկոները կը կազմուին ոչ թէ միայն յիշելու մեր 1.5 միլիոն նահատակները, ոչ թէ միայն թուրքիոյ դրօշը այրելով կամ զայն կոխկռտելով անոր մարտահրաւէր կարդալու, այլև հրաւէր մըն են, կոչ մըն են իւրաքանչիւր հայորդիի որ այստեղ կը գտնուի այսօր, ինքզինք արժեւորելու, ինքնին անձը և խիղճը քննութեան առարկայ դարձնելու, հանդէպ իր կատարած կամ չկատարած աշխատանքներուն, որդեգրած կամ չորդեգրած հայավայել ու ինչու չէ նաև դաշնակցականավայել կեցուածքներուն, և վերջապէս նախաձեռնած կամ չնախաձեռնած պահաջատիրական քայլերուն»: Էքմէքճեան իր խօսքը շարունակելով ըսաւ,«սիրելիներ, ոևէ հակամարտութեան ընդմէջէն յաղթական դուրս գալու գաղտնիքներէն մէկն է, լաւապէս նախապատրաստուած ըլլալու կողքին, ունենալ մտային, քաղաքական, կազմակերպական և հարկ եղած պարագային մարտական բաւարար ճկունութիւն, հակառակորդին, կամ այս պարագային թշնամիին անակնկալի մատնելու և հակակշիռը ի նպաստ մեր կողմ դարձնելու:
Ան իր խօսքը աւարտեց ըսելով,-« Ժամը հասած է ազգովին վերականգնելու, և այսօր՝ այստեղ վերանորոգելու մեր հաւաքական կամքը, վերահաստատելու մեր ուխտը, չխնայելով ոչ մէկ ճիգ, չճանչնալով ոչ մէկ ցաւ, ոչ տառապանք հարկ եղած պարագային նաև կեանքի գնով հասնելու համար սրբազան յաղթանակին՝ Ազատ, Անկախ և Միացեալ Հայաստանին»:

Այնուհետեւ, Հ.Յ.Դ. «Յառաջ» պատանեկան միութեան պատանիներէն դարձեալ եռեակ մը ներկայացուց Նարէ Գեորգեանի « Զինուորի Մօր» երգը, տեսաերիզի ընկերակցութեամբ, որմէ ետք, Ազգային «Յառաջ – Գ. Կիւլպէնկեան» վարժարանի աշակերտուհիները ներկայացուցին «Ապրելու ենք Ապրիլ» պարը:

Աւարտին՝ Հ.Յ.Դ. Լ.Ե.Մ-ի «Շ. Միսաքեան» մասնաճիւղէն խումբ մը ընկերներ ներկայացուցին «Ու՞ր էիր Աստուած» կենդանի պատկերը ու ջահերը յանձնելով գիւղի հոգեւոր հայրերուն, ներկաներուն հետ միասին սրահէն դուրս եկան վառելով Լ.Ե.Մ-ի փաղանգին ջահերը:

Հսկումը շարունակուեցաւ քայլարշաւով: Հոծ բազմութիւնը, առաջնորդութեամբ՝ Հ.Մ.Ը.Մ-ի Այնճարի շեփորախումբին եւ Լ.Ե.Մ-ական ու պատանի ջահակիրներուն, ուղղուեցաւ դէպի գիւղի բերդի հրապարակը ու ականատես եղան «Ապրելով Ապրիլ» կարգախօսին կրակվառութեան: Քայլարշաւը շարունակելով մասնակիցները  հասան «Ս. Պօղոս» եկեղեցւոյ կից գտնուող Մուսա լերան յուշահամալիր, ուր ծաղկեպսակ զետեղուեցաւ Հ.Յ.Դ. Լ.Ե.Մ-ի «Շ. Միսաքեան» մասնաճիւղին կողմէ, որմէ ետք՝ Հ.Յ.Դ. «Յառաջ» պատանեկան միութենէն ընկեր մը ներկայացուց «Ահաւոր Բան Մը Այնտեղ» ասմունքը:
Հսկումը աւարտեցաւ գիւղի հոգեւոր հայրերու պահպանիչով:

5837964226631139737304893080280579673948160n
5838438626631106003974933241161421697843200n
5875693526631111437307722912129513364127744n
5762494426631113237307546003888272877551616n
5837786026631119437306928842911752032092160n
5761844326631114803974051080287513072893952n
5837813626631121937306672203532296902934528n
5778820426631125270639672977096215180607488n
IMG6782
5874005426631126470639551925580950016622592n
585865932663112790397274368316612685594624n
5844146926631140870638113848274724232626176n
5753628426631129603972579151004603876114432n
IMG6841
5844241126631135303972003383300555450351616n
5751159826631134370638766571758064091791360n
5859671926631132803972255336616179471482880n
5898674726631138003971736127284491472863232n
5865758726631151803970353630074373957746688n
5844466526631155837303284842764269793574912n
5838046126631143237304547529943792992911360n
IMG6937
5844482226631158370636364688211838742036480n

Շաբաթ 6 Ապրիլ 2019-ին երեկոյեան ժամը 7:30-ին, Լ.Օ.Խ-ի «Աղթամար» մասնաճիւղի դաստիարակչական յանձնախումբին և Համազգայինի «Պարոյր Սեւակ» մասնաճիւղի մշակութային յանձնախումբի կազմակերպութեամբ «Գ. Կիւլպէնկեան» սրահին մէջ տեղի ունեցաւ Կոմիտասի ծննդեան 150-ամեակի նուիրուած յուշ երեկոն:

Ձեռնարկին ներկայ էին Հ.Յ.Դ Կ.Կ.-ի անդամ և Ազգային «Յառաջ» Գ. Կիւլպէնկեան վարժարանի տնօրէն՝ Արմէն Թաշճեան, գիւղի հոգեւոր հայրերը, Այնճարի քաղաքապետ՝ վարդգէս Խօշեան, , ԼՕԽ-ի Շրջանային վարչութեան ներկայացուցիչը՝ Ցողիկ Հաւաթեան, Ազգային երեսփոխան՝ տիկին վիքի Գարագաշեան- Այնթապլեան, գիւղիս մէջ գործող միութեանց վարչութիւնները, և մեծ թիւով հայրենակիցներ, աշակերտներ ,երիտասարդներ:

   Բացման խօսքով հանդէս եկաւ Մատլէն Խօշեան որ իր խօսքի սկիզբը յայտնեց թէ գեղեցիկ զուգադիպութեամբ երկու յանձնախումբերը իրենց ծրագրին մէջ ներառած էին նշել Կոմիտասի ծննդեան 150- ամեակը արժանաւոր յայտագրով, Այնճար հայաւանի ժողովուրդին համեստ պարտքը տալու մեծ հայուն՝ երաժիշտին 150-ամեակին առիթով: Ան շարունակեց ըսելով « Անգնահատելի է մեծն կոմիտասին աշխատանքը, հաւաքել, մշակել և տարածել հայ գեղջկական երգը անոր առօրեայ կեանքը յատկանշող պատկերներով: Հայ մշակոյթին մէջ առանձնայատուկ տեղ կը գրաւէ Կոմիտասեան պատարագը և իր «Գուսան» երգչախումբին քառաձայն կատարումները»: Եզրակացնելով ան ըսաւ «Այնքան ատեն որ Կոմիտասը կը հնչէ, հայ ազգը կը մնայ անմահ»:

Ձեռնարկին հաղորդավարութիւնը վարեց Նաթալի Տէր-Ստեփանեան- Քէնտիրճեան: Ողջունելէ ետք ներկաները ան մերթ ընդ մերթ յայտագիրը ներկայացնելով վեր առաւ Կոմիտասի դերը հայ երաժշտութան անդաստանին մէջ ու ըսաւ, « 150 ամեակ հայ ժողովուրդի հանճարեղ զաւակներէն ամենէն հոգեհարազատին՝ հայու հոգին երգով ու երաժշտութեամբ վերածնած, վերաթարմացուցած ու իւրովի շնչաւորուած, այլև աշխարհով մէկ հնչեցուցած ու տարածած, անզուգական, անկրկնելի կոմիտաս վարդապետ»:

Արդարեւ, գեղարուեստական առաջին բաժինով Վրեժ Հաճեան մեկնաբանեց կոմիտասեան երգերէն «Ճանապարհ» և «մի տխրութիւն» երգերը Կիթառով: Ապա Կրէյս Գալուստեան իւրայատուկ ոճով մը ասմունքեց Պարոյր Սեւակի «Ղօղանջ Մթագնումի» բանաստեղծութենէն հատուած մը:

Օրուան բանախօս մայսթրօ՝ Զաքար Քէշիշեան բծախնդրութեամբ ու խորաթափանց մեկնաբանութեամբ ներկաներուն ներկայացուց Կոմիտաս վարդապետի կեանքն ու գերագնահատելի գործունէութիւնը: իւրաքանչիւր մանրամասնութեան մասին խօսելով և հրապուրելով ներկաները, ան խորհրդանշանական հետք ձգեց ներկաներուն մօտ, քայլ առ քայլ հետեւելու իր ներկայացուցած Կոմիտասի կեանքի իրադարձութիւններուն: Ան հաճելի և դիւրամատչելի խօսքերով ծանօթացուց Կոմիտասի կեանքի դրուագները, ծնունդէն մինչեւ եղերական մահը: Եզրակացնելով ան պատգամեց որ մեր հայկական վարժարաններուն մէջ հաստատուին բանասիրական պահեր որպէսզի հայ աշակերտները իրազեկ դառնան մեր ազգային պատմութիւնը կերտած բոլոր հերոսներու կեանքին ու գործունէութեան:

5628530626242709209481287212395708085698560n
5651308026242710942814444192454715931361280n---Copy
5652781026242711442814396333709170998509568n
5645777826242712442814291745630620702212096n
563086502624271354281418248056562029953024n
5684284126242714276147446820043638072934400n
5658421426242715842813957055215349754494976n
IMG6484
IMG6509
859e21a4-4622-46e9-91d3-0844c89612fb
5657586126242718676147002727299590100353024n---Copy

Ապա գեղարուեստական երկրորդ բաժինով, Ազգային «Յառաջ» Գ. Կիւլպէնկեան վարժարանէն խումբ մը աշակերտներ կենդանի պատկերով ներկայացուցին «Անլռելի Զանգակատուն»-ը բեմադրութեամբ՝տիկին Նայիրի Հապեշեանի: Ներկայացումը ինքնին հարազատ խորհրդանիշն էր Կոմիտասի կեանքի պատկերներուն:

Ապա Տիկին Սիլվա Քեչէճեան Իւրայատուկ ձայնով մեներգեց կոմիտասեան երգ մը, նուագի ընկերակցութեամբ՝ Շաղիկ Հապեշեանի ջութակ և Լիլիթ Աբրահամեանի դաշնամուր:

Ձեռնարկի աւարտին գիւղի հոգեւոր հայրերը պահպանիչով փակեցին օրուայ յուշ երեկոն: Հայ՛ երաժշտութեան մեծ երաժշտագէտ՝ Կոմիտաս վարդապետի հոգեցունց շունչն ու ոգին ամբողջ ձեռնարկի ընթացքին հմայեց Այնճարի ժողովուրդը և ներկաները մեծ հպարտութեամբ, սրտի անհուն բերկրանքով ու Կոմիտասեան օրհնանքով մեկնեցան սրահէն:

LOGO en