Լուրերու Արխիվ

Այնճարի Հայ Աւետարանական երկրորդական Վարժարանի Աւարտական Հանդէս

Ուրբաթ 28 Յունիս 2019-ի երեկոյեան ժամը 6:30-ին, տեղի ունեցաւ Այնճարի Հայ Աւետարանական երկրորդական Վարժարանի ամավերջի հանդէսը, վարժարանի շրջափակէն ներս:
Հանդէսը սկսաւ Լիբանանի և Հայաստանի զոյգ քայլերգներով վարժարանի «Նայիրի երգչախումբի» կատարողութեանբ, ապա 6րդ եւ 12րդ դասարաններու շրջանաատները բեմ բարձրացան "Պարը" ասմունքով եւ Մուսա Լերան աւանդական Տհոլ Զուռնայի պարեղանակով որմէ ետք տեղի ունեցաւ Աստուածաշունչի ընթերցում եւ աղօթք՝ Պատուելի Յակոբ Ագպաշարեանի կատարողութեամբ:
Հանդէսի ընթացքին շրջանաւարտ դասարաններու աշակերտները ընկերկցութեամբ վարժարանի «Նայիրի երգչախումբ»ին կենդանի պատկերով, ասմունքներով եւ պարերով ներկայացուցին Այնճարի 80 տարիներու անկիւնադարձային եւ կարեւոր հանգրուանները : Այնուհետեւ բեմ բարձրացան վարժարանի պատուոյ ցանկի արժանացող աշակերտները, որուն յաջորդեց 6րդ և աւարտական աշակերտներու ուղղերցներու ընթերցումը:
Օրուայ պատգամախօս Օրդ. Սոնիա Սիսլեան' խրատական եւ խրախուսական խօսքեր ուղղեց աւարտական դասարանի աշակերտներուն եւ անոնց ծնողներուն :
Պատգամախօսին յաջորդեց վկայականաց բաշխումը, պարգեւատրումները, Այնճարի 80-ամեայ ծեռունիներուն սրտի խօսքի փոխանցումը, Ջահի փոխանակումը, ծնողաց խորհուրդի և վարժարանի շրջանաւարտից միութեան անդամներու գնահատանքը։ Ապա Պատուելի Յակոբ Ագպաշարեան կատարեց հանդէսին հուսկ բանկը։
Հանդէսը աւարտեցաւ վարժարանի քայլերգով եւ օրհնութեան աղօթքով:

6580846228383028928782622340416937600745472n
6638527828383021228783393408647253408088064n
6558061128383017728783746452208070314426368n
6564533028383026162116232587103104415563776n
6584024628383023095449876944071319939973120n
6578117928383045428780976024266406638387200n
6553636528383046795447506999382651807203328n
6559117028383041595448024847121037373997056n
6223942128383048695447316717126665358540800n
661185762838306019544616505873682053201920n
6609020528383060962112752759842849359921152n

Ազգային «Յառաջ» Մանկապարտէզի 2018-2019 տարեշրջանի եզրափակման և վկայականաց բաշխման հանդէսը տեղի ունեցաւ Շաբաթ 22 Յունիսի երեկոյեան, վարժարանիս շրջափակին մէջ, ներկայութեամբ՝ գիւղիս հոգեւոր հայրերու, Հ.Յ.Դ «Կարմիր Լեռ» կոմիտէին, ուսումնական խորհուրդի ու Լ.Օ.Խ-ի շրջանային վարչութեան ներկայացուցիչներուն, վարժարանիս տնօրէնութեան ու խնամակալութեան, «Ս. Պօղոս» եկեղեցւոյ թաղական խորհուրդին, պատկան մարմիններու և միութիւններու ներկայացուցիչներուն, բարերարներու, ուսուցիչներու, ծնողներու և բազմաթիւ հայրենակիցներու:
Քայլերգներու յոտնկայս ունկնդրութենէն ետք, վարժարանիս վարիչ մանկապարտիզպանուհի Լենա Սթամպուլեան հանդէս եկաւ բացման խօսքով ու ողջունելէ ետք ներկաները հաստատեց ըսելով՝ «վարժարանը բարձր պահող ու հարստացնող օղակը՝ տնօրէնութիւն, խնամակալութիւն, ուսուցչակազմ և ծնողներ, իրենց ճիգը չխնայեցին քաջալերելու, համբերելու և նեցուկ կանգնելու այս դարբնոցին, որ յագեցուց կրթական հարուստ ծրագիրը, փորձառական բաժինները, զանազան առիթներու հետ առնչուած ձեռնարկներն ու տօնակատարութիւնները՝ իւրայատուկ դարձնելով վարժարանիս վերելքը»: Ապա ան երախտագիտութիւն յայտնեց բոլոր այն մարմիններուն, կազմակերպութիւններուն և անհատներուն, որոնք տարբեր առիթներով և զանազան միջոցներով օգտակար կը հանդիսանան մանկապարտէզին: Ան ըսաւ. «Ազգային «Յառաջ» Մանկապարտէզի այս տարուան հանդէսը նուիրուած է հայրենի մեծանուն գրագէտ ու բանաստեղծ՝ Յովհաննէս Թումանեանի ծննդեան 150-ամեակին: Մանկապարտէզի փոքրիկները Թումանեանի հեքիաթներէն պիտի ներկայացնեն՝ «Բարեկենդանը», «Ուլիկը», «Անբան Հուրին», «Շունն ու Կատուն» և «Կաթիլ մը Մեղրը» երգախառն ու պարային թատրոններու ընդմէջէն:
Ապա բեմը յանձնուեցաւ փոքրիկներուն, որոնք մանկական պատումներով ու ոճով, սակայն իմաստասիրական խորքով, հանդիսատեսին ամրագրեցին գիւղի 80-ամեայ երթին:
Օրուան գեղարուեստական յայտագրին, իւրայատուկ փայք տուին ծաղիկ դասարանի շրջանաւարտները, որոնք հանդէսի ընթացքին, բեմը կենդանացուցին Թումանեանի հեքիաթային տիպարներով: 
Կոկոն և ծաղիկ դասարաններու երգչախումբի «Անբան Հուրին» երգի կատարումով, ընթացք առաւ գեղարուեստական յայտագիրը: Այսպէս ծիլ, բողբոջ, կոկոն և ծաղիկ դասարաններու աշակերտները ներկայացուցին շարք մը պարեր՝ «Ուլիկներ», «Մեղուներ», «Շունն ու կատուն» և «Հոյ Նազան»ը: Անոնք իրենց մանր ու ճկուն շարժումներով խանդավառեցին ներկաները, որոնք բուռն ծափահարութեամբ արտայայտեցին իրենց ուրախութիւնը:
Գեղարուեստական յայտագիրին յաջորդեց շրջանաւարտներու ուղերձը, որոնք հրաժեշտ տուին իրենց ուսուցիչներուն և մանկապարտէզին: 
Նախքան վկայականներու բաշխումը, ծաղիկի շրջանաւարտներուն իր պատգամը փոխանցեց վարժարանիս տնօրէն՝ Արմէն Թաշճեան:
Ան իր խօսքը ուղղելով ծաղիկ դասարանի աւարտականներուն ըսաւ, թէ «քառամեայ ժրաջան խնամք մը բուրումնաւէտ ծաղիկներու փունջ մը կը յանձնէ նախակրթարանին. առատ այս փունջը լաւագոյն ընծան է մեր գիւղին, անոր հիմնադրութեան 80-ամեակին առթիւ:
Տնօրէնը հաստատեց, թէ այս ծաղկեփունջը ներկայացնող հանդէսը «լաւագոյն փաստն է ապացուցելու, որ հայ դպրոցի առաքելութիւնը կը շարունակէ սնանիլ մանկական գրականութեան մեծ վարպետին՝ Յովհաննէս Թումանեանի մեղրի կաթիլներով՝ ի սպաս հայ մանուկի զուլալ ինքնութեան. իր տոհմնականութեամբ և նահապետական ոգիով, նախնեաց ու մեծերու անհուն յարգանքով, բնութեան ու հողի պաշտամունքով, ինչպէս նաեւ իր հայրենասիրութեամբ՝ Թումանեան հոգեհարազատ է Մուսա լեռցի Այնճարցիներուս»: 
Ապա անդրադարձաւ այն իրողութեան, որ բոլորին ծանօթ դրուագով Թումանեան իր ամենայն հայոց բանաստեղծի ուժգնութեամբ՝ գաղթականութեան առջեւ կը համարձակէր բանալ նաեւ Ամենայն Հայոց Կաթողիկոսի վեհարանի դռները, վեհարանն ալ պատսպարանի վերածելով. Յովհաննէս Թումանեանի իր անզիջող սկզբունքայնութեամբ հանդերձ, անհուն բարութեամբ՝ մեծ հաշտարար մըն էր հասարակութեան մէջ: 
Վերջապէս տնօրէնը խօսքը ուղղեց ծաղիկներուն ու մաղթեց որ իրենց ստանալիք վկայականներով «պատրաստուին Թումանեանը 250 տարեկան դարձնելու, ինչպէս նաեւ մեր սիրելի գիւղը 180 տարիներով ե՛ւս ապրեցնելու»: 
Ապա տնօրէնը շնորհաւորելով ծաղիկները, իրենց ծնողներն ու մանկապարտէզի անձնակազմը, բեմ հրաւիրեց գիւղիս ծխատէր քահանայ՝ Տէր Միւռոն Աւետիսեանը, ազգային ուսումնական խորհուրդի ներկայացուցիչ՝ Վաչէ Թազեանը, ինչպէս նաեւ վարժարանիս նեցուկ կանգնող բարերարներէն՝ Յարութ Զէյթլեանը, որպէսզի միասնաբար կատարեն վկայականներու բաշխումը:
Հրավառութեամբ ու բոլոր փոքրիկներու բեմ բարձրանալով փակումը կաարուեցաւ օրուան հանդիսութեան:

6525001128248290342256482652907797301166080n
6567828828248273175591533914855899960705024n
655586502824827564225795247338855814922240n
6509932528248277042257818533720226078916608n
65660862282482793755909158778968202936320n
6566492028248280142257502759096512892895232n
6513303528248280775590772838148809064710144n
6538541128248282208923967822744499678871552n
6538527928248285008923684428702419999784960n
6567941328248286175590238562595767951294464n
6511013528248287708923418298968167061913600n
6576403628248284075590449187835580526886912n
6558996928248287108923472035457294463926272n
6510392528248289442256575545511160977031168n

Երկուշաբթի 18 Յունիս 2019֊ին 《Ս. Զէյթլեան》 կեդրոն այցելեցին Հըզպալլայի Պէքաայի պատասխանատուներու պատուիրակութիւն մը ընկերակցութեամբ Երեսփոխան Անուար Ժէմաա֊ին, ուր հանդիպում մը ունենալով Հ.Յ.Դ. 《Կարմիր Լեռ 》կոմիտէին հետ ընկեր քաղաքապետին ներկայութեամբ, արծարծուեցան շրջանի հետ առնչուող հարցեր ու մտահոգութիւններ։

6471570028033681563717367155388937878372352n
649597922803367826371769570550409152692224n
6443699328033679630384227750457090530869248n
6468047128033677130384476034549335734091776n
6463972928033675430384641060502351086878720n

Շաբաթ 8 Յունիս 2019-ին Հ.Յ.Դ. Բիւրոյի ներկայացուցիչ ընկերը այցելեց Այնճար, ուր ընկերական ջերմ մթնոլորտի մը մէջ արագ ու կարճ հանդիպում մը ունեցաւ 《Կարմիր Լեռ》 կոմիտէին հետ, հանդիպման ներկայ գտնուեցան կեդրոնական կոմիտէի երկու ընկերներ ինչպէս նաև ընկեր քաղաքապետը։Արագօրէն այցելեց քաղաքապետարան ինչպէս նաև ծանօթացաւ նորակառոյց թանգարանի շինութեան աշխատանքներուն։ Բարձր գնահատելով Այնճարի կարեւորութիւնը և հոն տարուած 《 Հայակերտման և հայ արժեքներու պահպանման սուրբ գործին մնալով միշտ պատնէշի վրայ》. Ապա կարգ մը ընկերներու ընկերակցութեամբ ուղղուեցաւ դէպի Պէյրութ։

6252599227814118152340374721848064099221504n
6262947027814119385673585648337758989582336n

 

 

LOGO en