Լուրերու Արխիվ

Radioton Artsakh

Մուսալեռ-Այնճարը միշտ նեցուկ է Արցախին

Այնճար հայաւանը իր առօրեայ ապրումներով միշտ սրտակից է Արցախցիին: Ուժ ու  կորով կը ներշնչէ Արցախին ու Հայաստանին, իր նիւթական և բարոյական ներդրումով:

Շորեքշաբթի 7 Դեկտեմբեր 2016-ը, Լիբանահայութեան համար եղաւ յատկանշական օր մը, նկատի ունենալով 1988-ի Հայաստանի Հանրապետութեան Հիւսիսային շրջանի մէջ գտնուող Սպիտակ քաղաքի Երկրաշարժը և Արցախ Ֆոնտի Ռատիոթոնը: 

Արցախ Ֆոնտի Յանձնախումբը առաւօտեան ժամը 10:00-էն սկսեալ, մեծ թափով սկսաւ աշխատանքի, և գոյացուց 10,350,000 Լ.Ո

Նուիրատուութեան  իրենց մասնակցութիւնը բերին՝ գիւղիս պատկան մարմինները, «Կարմիր Լեռ» Կոմիտէն, Այնճարի Քաղաքապէտութիւնը, միութիւնները, հաստատութիւնները, գիւղիս 3 վարժարանները, համայնքները և հայրենակիցները, որմէ գոյացած գումարը պիտի նպաստէ բիւրաւոր սրտեր ամոքելու աշխատանքին, ինչպէս նաեւ Արցախի մէջ բնակող բազմազաւակ ընտանիքներուն համար բնակարաններ կառուցման ծրագիրին և ապրիլեան քառօրեայ պատերազմին պատճառով Արցախի աւերուած բնակավայրերու վերականգման և վերակառուցման աշխատանքներուն:

Վարձքը կատա՝ր բոլոր նուիրատու հայորդիներուն:

Radioton-Artsakh
IMG4239

LOGO en