Լուրերու Արխիվ

Tserarvesdi Hantsnakhoump

ԱՄԱՆՈՐԻ ՑՈՒՑԱՀԱՆԴԷՍ ՎԱՃԱՌՔ

Հովանաւորութեամբ՝ Լ.Օ.Խ-ի շրջանային վարչութեան, Նախագահութեամբ՝ Այնճարի Քաղաքապետութեան և Կազմակերպութեամբ՝ Լ.Օ.Խ-ի «Աղթամար» մասնաճիւղի ձեռարուեստի յանձնախումբին, Ուրբաթ 9 Դեկտեմբեր 2016-ին, երեկոյեան ժամը 4:00-ին, Լ.Օ.Խ-ի «Ֆիլհաննէսեան» կեդրոնէն ներս տեղի ունեցաւ տարեկան ցուցահանդէսի վաճառքը՝ հայկական ուտեստեղէններով և տոհմիկ աւանդութիւններով:

Տէր Միւռոն Քահանայ Աւետիսեանի օրհնութեան աղօթքով, և Այնճարի Քաղաքապետ՝ Վարդգէս Խօշեանի ձեռամբ, մուտքի ժապաւէնի հատումէն ետք, բացուած յայտարարուեցաւ ցուցահանդէս-վաճառք:

Քայլերգներու ունկընդրուդենէ ետք, Ընկերուհի Նաթալի Քէնտիրճեան բարի գալուստի խօսքով, ողջունեց բոլոր ներկաները: «Ան ըսաւ, թէ ահա արդէն տարին կը հասնի իր աւարտին, և մենք  կը պատրաստուինք դիմաւորելու նոր տարին, նոր յոյսերով, փափաքներով և որոշումներով: Իսկ երբ ակնարկ մը նետենք անցնող տարուան, և ուզենք գնահատել և արժեւորել մեր աշխատանքները, պիտի նկատենք թէ մեր ակնկալութիւններն ու յոյսերը շատ աւելի էին քան մեր հանդուրժողութիւնն ու համերաշխութիւնը: Բայց տակաւին, այս օրը կ'ուզենք տարբեր ոգեւորութեամբ աշխատիլ վաղուայ համար: Այսօր կը ցանենք յուսալով որ հունձքը վաղը առատ պիտի ըլլայ: Եթէ իւրաքանչիւր անհատ իր ընտանիքին, իր գործին, և այն մեծ միութեան մէջ աշխատի կորովով և խանդավառութեամբ, մենք արդէն պիտի ունենանք առատ հունձք, և վայելենք այն բարիքը, նպատակ ունենալով թէ սերունդը պիտի ստանայ «Բարի Օրինակ Մը»: Լ.Օ.Խը կը գործէ այն տեսլականով, որ ձեռարուեստի յանձնախումբը, որպէս անբաժան մասնիկ, կուգայ այս ցուցահանդէսով ներկայացնելու իր տարեկան աշխատանքը, մաղթելով բոլորին լաւագոյնը: Նոր Տարին և Սուրբ Ծնունդը այն գեղեցիկ ժամանակաշրջանն է, նուէրներու փոխանակման և ուրախութեան:  Յանձնախումբին նպատակն է տեսնել և տարածել հայկական ձեռագործները ամէն տեղ, ի նպատակ քաջալերելու արուեստին ու ձեռարուեստին, և գնահատելով հայ տիկնոջ աշխատանքը այս մարզէն ներս»:

Յատուկ շնորհակալութեան խօսք յայտնեց «Կարմիր Լեռ» կոմիտէին, Այնճարի քաղաքապետութեան, SPNL հաստատութեան, ինչպէս նաեւ բոլոր այն ընկերուհիներուն, որոնք անսակարկ նուիրումով աշխատեցան յաջողցնելու այս ցուցահանդէսը:

Ապա, իր խօսքը փոխանցեց Քաղաքապետ՝ Վարդգէս Խօշեան: «Ան ըսաւ, թէ Լ.Օ.Խ-ը այն կազմակերպութիւնն է, որ իր հզօր գործը անպայմանօրէն յարգանք կը պարտադրէ բոլորին, ոչ միայն իր գործին համար, այլ ծառայութեան ոգիին, որոնք անխտիր և մեծ երկիւղածութեամբ կը նային Լ.Օ.Խ-ի աշխատանքին: Լ.Օ.Խ-ը այն կանանցի հաստատութիւնն է, որ նոյնիսկ կրնայ արցունքի կաթիլ մը սրբել և վիշտ մը թեթեւցնել: Լ.Օ.Խ-ի գործունէութիւնը կարելի չէ անպայման սահմանաբակել ընկերային կամ առողջապահական ծիրէն ներս, որովհետեւ ան, ընդարձակ և ազգային բոլոր արժէքներու վրայ գուրգուրացող է, ու կը զոհուի կամաւոր կերպով, որտեղ կամաւորագրուած են տիկինները, բոլորովին իրենց կամքով, նուիրաբերելու համար իրենց կարելին, որպէսզի ի յայտ բերեն այս կատարեալ աշխատանքը, որուն մենք ականատես ենք: Ամբողջ Այնճարի անունով, գնահատեց ձեռնարկին հրաշալի աշխատանքը, անդրադառնալով թէ այս գործը իսկապէս հրաշալի ու մեծ գործ է, որովհետեւ այս ընթացքով է որ կանգուն կը պահենք մեր աւանդութիւններն ու ազգային բոլոր արժէքները, որոնք պէտք չէ երբեք խափանուին: Եւ վերջապէս, ան ըսաւ թէ Լ.Օ.Խ-ը, միշտ գեղեցկացուցած է մեր գիւղի հաստատութիւններու մէջ ըլլալ իր ներկայութեամբ, ուժ տուած է նոր սերունդին, քաջալերած է իգական սէրը, որպէսզի անպայմանօրէն մասնակից դառնայ, նախանձախնդիր ըլլալով մեր բոլոր կրթական և եկեղեցական արժէքներուն, և հաստատօրէն ներգործած է մայրական այն մթնոլորորտը, որ պիտի դաստիարակէ վաղուան երիտասարդները»:

Ձեռնարկին ներկայ գտնուեցան՝ Այնճարի հոգեւոր հայրերը, Առաքինազարդ Քոյրը, «Կարմիր Լեռ» կոմիտէն, պատկան մարմիններու ներկայացուցիչները, Լ.Օ.Խ-ի շրջանային վարչութիւնը, Զահլէ-ի «Շուշի» մասնաճիւղի վարչութիւնը, թաղապետեր, «Սուրբ Պօղոս» եկեղեցւոյ թաղականութիւնը, գիւղիս տիկնաց միութիւնները, լօխ-ական ընկերուհիներ և մեծ թիւով հայրենակիցներ:

Ձուցահանդէսին վաճառուեցան հայկական ու աւանդական ուտեստեղէններ և ձեռագործներ, որուն ընդմեջէն կը ցոլայ հայ օրիորդին կամ տիկինին մատներուն ճարտարութիւնն ու ճաշակը:

Իսկ Շաբաթ 10 եւ Կիրակի 11 Դեկտեմբերին տեղի ունեցաւ նաեւ մանուկներու յատուկ յայտագիր, ներկայութեամբ մեծ թիւով մանուկներու եւ պատանիներու, ուր եղան մանկական խաղեր, երգեր ու պարեր, առաջնորդութեամբ՝ Տիկին Լիզա Հէքիմեանի և Եղբայր Ժանօ Փամպուքեանի և իրենց երիտասարդական խումբին, կեդրոնիս կողքին, յատուկ տաղաւարի մը մէջ:

Խանդավառութիւնը իր գագաթնակէտին հասաւ փոքրիկներուն, երբ կաղանդ պապաները իրենց նուէրներով մուտք գործեցին տաղաւար: Անոնք ներկայ բոլոր մանուկներուն բաժնեցին յատուկ ծրարներ, կաղանդի ուտեստեղէններով լեցուն, տրամադրուած Այնճարի քաղաքապետութեան կողմէ: 

Յայտագիրէն ետք տեղի ունեցաւ վիճակահանութիւն:

Վարձքը կատար բոլորին:

  • Ծանօթ: Ձեռարուեստի յանձնախումբի կրպակի ձեռագործները ձմրան ընթացքին պիտի վաճառուի Լ.Օ.Խ-ի աշխատանոցէն ներս: 
    IMG4493
    IMG4487
    IMG4483
    IMG4479
    IMG4474
    IMG4469
    IMG4454
    IMG4452
    IMG4447
    IMG4444
    IMG4440
    IMG4435
    IMG4429
    IMG4426
    IMG4428
    IMG4411
    IMG4421
    IMG4410
    IMG4406
    IMG4408
    IMG4358
    IMG4356
    IMG4353
    IMG4352
    IMG4351
    IMG4347
    IMG4349
    IMG4345
    IMG4342
    IMG4340
    IMG4337
    IMG4338
    IMG4333
    IMG4335
    IMG4332
    IMG4326
    IMG4322
    IMG4321
    IMG4317
    IMG4314
    IMG4313
    IMG4312
    IMG4310
    IMG4305
    IMG4300
    IMG4295
    IMG4294
    IMG4288
    IMG4286
    IMG4281
    IMG4268
    IMG4275
    IMG4265
    IMG4263
    IMG4261
    IMG4260
    IMG4257
    IMG4256
    IMG4254
    IMG4252
    IMG4253
    IMG4251
    IMG4249

LOGO en