Թաու Լուի Լիբանանի Անկախութեան Տօնի Մրցաշարք

Լիբանանի Քոնկ ֆու ուու շուի ֆետերասիոնին կազմակերպած Թաու լուի 2016-2017 տարեշրջանի Լիբանանի Անկախութեան տօնի մրցաշարքը տեղի ունեցաւ կիրակի, 11 դեկտեմբեր 2016-ին, «Շապիպէ» մարզահամալիրին մէջ, մասնակցութեամբ լիբանանեան հետեւեալ ակումբներուն. Անթունիէ Պաապտա, Պել Հորիզոն, Սանթրալ Ժունիէ, Այնճար Ամիթի, Այնճարի սեւ գօտիներու միութիւն, «Էն. Տի. Էլ.» եւ Շապիպէ Քլապ (շուրջ 100 երկսեռ մարզիկներ):

Այնճարի սեւ գօտիներու 18 մասնակցող մարզիկները այս մրցաշարքին արձանագրեցին պատուաբեր արդիւնքներ` ձեռք ձգելով 8 ոսկի, 11 արծաթ եւ 9 պրոնզ մետալներ:

Ակումբներու վերջնական դասաւորումը.

1.- Անթունիէ Պաապտա 184 կէտ
2.- Այնճարի սեւ գօտիներ 138 կէտ
3.- Շապիպէ Քլապ 124 կէտ