Լուրերու Արխիվ

Կասկածէ վեր է, որ Այնճար հայաւանը պատմութեան ընթացքին կուտակած է հարուստ կենսափորձ՝ ճգնաժամային պահերուն ցուցաբերելու օրինակելի կազմակերպուածութիւն եւ հաւաքական աշխատանքի պատրաստակամութիւն։ Գիւղի փառապանծ պատմութիւնն ալ կերտուած է շնորհիւ այդ անանձնական նուիրեալ աշխատանքին, որուն մասնակից դարձած են իրերայաջորդ սերունդներ։ Դաստիարակութիւնը փոխանցուած է կենդանի գործով ու անձի նուիրեալ օրինակով։ Շրջանի ՀՅԴ «Կարմիր Լեռ» կոմիտէն միշտ ալ ցուցաբերած է զգաստութիւն եւ արթնամտութիւն ու գիւղի պաշտպանութիւնը, զարգացումը եւ մարտահրաւէրներու դիմագրաւումը դարձուցած հիմնական առաջադրանք։ Այսօր, պատմութիւնը ինքզինք կը կրկնէ եւ հայկական այս միջնաբերդը պաշտպանուած է ու աշխատանքները կը տարուին կազմակերպ ու հետեւողական ընթացքով։ Մաղթենք, որ հանգրուանը բոլորս միասին անցընենք անփորձանք եւ ապահով։ «Քորոնա» Ժահրի վտանգը պիտի հեռացնենք հաւաքական պատասխանատուութեամբ։ Վարձքը կատա՛ր բոլորին։

Յակոբ Գ. Հաւաթեան

LOGO en

Վերջին Լուրեր