Լուրերու Արխիվ
Կիրակի 19 Յուլիս 2020ին կազմակերպութեամբ «Ս. Պօղոս» Եկեղեցւոյ
Թաղական Խորհուրդին եւ
Վարդավառի տօնի յանձնախումբին, «Ս. Պօղոս» Եկեղեցւոյ մէջ տեղի ունեցաւ
պաշտօնական ընդունելութիւնը Պեքաայի շրջանի հոգեւոր տեսուչ Գերպ. Տ. Անանիա Ծ. ՎՐԴ. Գուճանեանին, ինչպէս նաեւ նշուեցաւ
Մուսա Լերան հրաժեշտի օրն ու Վարդավառը։
«Ս. Պօղոս» եկեղեցւոյ մէջ Ս. եւ Անմահ Պատարագ մատուցուցեց Հոգեշնորհ Տ. Տաճատ վրդ. Աշգեան։
Ապա եկեղեցւոյ շրջափակին մէջ տեղի ունեցաւ վարդավառի տօնախմբութիւնը։
Բացման խօսքով հանդէս եկաւ «Ս. Պօղոս» եկեղեցւոյ տիկնանց յանձնախումբի ներկայացուցիչ Տիկ. Վարդուհի Գապագեանը ու ըսաւ. «Վարդավառի տօնը Այնճարի համար իւրայատուկ տօն է։ 81 տարիներ առաջ, այս առաւօտ, մեր ժողովուրդը հրաժեշտ տուաւ Ճէպէլ Մուսա տարածաշրջանի եւ գալով հաստատուեցաւ Այնճար, Լիբանան։ Հակառակ թագաժահրի եւ երկրի դժուար պայմաններուն, փառք կու տանք Աստուծոյ որ այս տարի եւս համախմբուած կը տօնենք այս տաղավար»։
Բացման խօսքէն ետք տեղի ունեցաւ Նշանօրհնէք եւ աղաւնի թռցնել. Որմէ ետք Վարդավառի Խորհուրդն ու սրտի խօսքը փոխանցեց Գերպ. Տ. Անանիա Ծ. Վրդ. Գուճանեան, ըսելով. 《Թագաժահրը ժողովուրդիս մէջ արթնցուց հաւատքը, ընտանեկան սէրն ու սրբութիւնը, կրկին անգամ արթնցուց մեր ժողովուրդի կեանքին մէջ իրար սիրելու, իրար հետ ապրելու, խորհելու, ուրախանալու եւ տխրելու գեղեցիկ պահերը։ Այո, վտանգ է, բոլորս զգուշ պէտք է ըլլանք. բայց երբ մեր մէջ կայ այլակերպութեան այդ գեղեցիկ յոյսը Յիսուս Քրիստոսի, կապուածութիւնը մեր ազգին եւ եկեղեցւոյ, մենք վստահաբար այն ժողովուրդն ենք որ ոչ թէ կը յուսահատինք, այլ յուսահատութեան մէջ եւս կ'ապահովենք այդ այլակերպութեան լոյսի ճանապարհով կ'առաջնորդուինք դէպի նոր կեանք, զօրութիւնը եւ հաւատք》։ Ան նաեւ իր խօսքին մէջ անդրադարձաւ Մուսալերան հրաժեշտի գեղեցիկ յիշատակին ու ըսաւ. 《Այդ հրաժեշտով Մուսալեռցիք չկորսնցուցին իրենց ազգայինութիւնը, մնացին Մուսալեռցիք, կերտեցին, շինեցին, պայծառացուցին եւ ահաւասիկ մենք այսօր այդ հրաժեշտի քաղցրութիւնն է որ կը վայելենք։》
Գերպ. Տ. Անանիա Ծ. Վրդ. Գուճանեան իր խօսքի աւարտին ըսաւ. 《ինծի համար հպարտութիւն է, ոչ թէ որովհետեւ Պեքաայի շրջանի հոգեւոր տեսուչ նշանակուեցայ, այլ անոր համար որ որպէս Մուսալեռցի եւ Այնճարցի պիտի կրնամ նաեւ այդ տեսչութեան ճամբով իմ որդիական երախտագիտական լումաս զետեղել այս շրջանի զաւակներուն, երիտասարդներուն, տարեցներուն եւ բոլորին》։
Պատգամէն ետք «Ս. Պօղոս» եկեղեցւոյ դպրաց դասը ներկայացուց շարք մը աւանդական երգեր (լուսամուտին կարմիր խնձոր շարել եմ, կարմիր Ֆիստան, Մուսա Լերան գիւղերէն)։
Յայտագրի ընթացքին տեղի ունեցաւ Մուսա Լեռէն ելքի պատմութեան ականատեսի վկայութիւն Տիար Մարտիրոս Սնապեանի կողմէ, որ ներկայացուց իր դուստրը՝ Տիկ. Արբա Սնապեան֊Անտոնեանը։
Ապա ներկայ պատանիները խաղցան տարբեր տեսակի Խաղեր (ձմեռուկ հարուածել, պարան քաշել, պարան ցատկել...), որուն յաջորդեց ջրախաղը։ Աւարտին տեղի ունեցաւ հիւրասիրութիւն՝ (Խորոված խնձոր, զըլըպըք-զնպիւլ...)։

10949666554974760969609155737963205437885627n
11090259154975042736247642986567011643955172n
11392075154974807502937837983125506075897398n
11582222554974766436275276858113765273603796n
11589128654974817669603482886659508398960426n
11156879654974772269608028237608437172362082n
11225001054975050936246826613243012113557422n
10959694254975062169579034635594552648094156n
1095282695497544273620764444175784472338201n
11402548054975408936211021831261691546015177n
10918000354975451436206776576890393079126072n
11375261654975414636210457312993876371622371n
11580488954975420736209841657596643762996753n
10968063454975429302875651142456129628949125n
11080341154975728302845752730193973046783207n
110316669549757187028467134848965319123910n
11027702954975739436177976063163676493855774n
10960583354976372969447952225229886506882182n
11028051254976395869445666938918514466841048n
11309104554976384336113481643815951617033349n

 

LOGO en