Հովանաւորութեամբ Այնճարի Հ.Յ.Դ. «Կարմիր Լեռ» Կոմիտէին, աւելի քան տասնամեակէ մը իվեր կը գործէ Մուսալեռ-Այնճարի պաշտօնական կայքէջը (https://mousaleranjar.org), հիմնականօրէն աշխարհի մուսալեռցիներուն փոխանցելով Այնճարի լուրերը օրը օրին: Կայքէջը օգտակար հանդիսացած է նաեւ վստահելի տեղեկութիւններ ներկայացնելով բոլոր անոնց՝ որոնք հետաքրքրուած են Մուսա Լեռով կամ Այնճարով, մանաւանդ հայ եւ օտար մամուլին:
Քայլ պահելով արդի ժամանակներու պահանջքին հետ, Օգոստոս 2012-ին յառաջացուեցաւ համացանցի նոր մարմին մը, որուն պարտականութիւն տրուեցաւ ամբողջութեամբ վերաթարմացնելու համացանցի կայքէջը՝ նոր տեսքով եւ աւելի ընդարձակ բովանդակութեամբ:
