Սուրբ Աստուածածնայ Վերափոխման Տօնը Այնճարի Մէջ
Սուրբ Աստուածածնայ վերափոխման Տօնը կանխող շաբթուան ընթացքին, Այնճարի կաթողիկէ «Ս. Վարդարանի Տիրամայր» եկեղեցւոյ շրջափակին մէջ տիրեց խանդավառ մթնոլորտ մը, Շաբաթ 12 Օգոստոս 2017-ին քերմեսի ընթացքին: Բակին մէջ տեղադրուած էին զանազան տեսակի համեղ ուտելիքներ իսկ երիտասարդները զբաղ էին «հերիսա» եփելով: Երեկոն ճոխացուց սիրուած երիտասարդ երգիչ Նժդեհ Պոտրումեան:
Կիրակի 13 Օգոստոս 2017-ին, առաւօտեան անմահ պատարգ մատուցուեցաւ: Օրուայ պատգամը փոխանցեց Հայր Մեսրոպ Վրդ. Թօփալեան: Պատարագի աւարտին Հայր Մեսրոպ Վրդ. Թօփալեան շրջապատուած հաւատացեալ ժողովուրդով կատարեց խաղողի և մատաղի օրհնութիւնը: Լեցուն էր եկեղեցւոյ բակը ուխտաւորներով: Երիտասարդութեան ներկայութիւնը տիրական էր: