Այնճարի Հայ Աւետարանական համայն ալ նշեց Ս. Ծննդեան տօնը։ Եկեղեցւոյ մէջ Ներկայ էր հոծ բազմութիւն մը, մասնակից դառնալու Սուրբ Ծննդեան պաշտամունքին որ կատարեց Պատուելի Յակոբ Ագպաշարեանը և բոլորին ողջունեց Սուրբ բրկիչին գալուստով մաղթելով բոլորին յաջողութիւն կեանքի մէջ, ուրախութիւն և արեւշատութիւն. Պաշտամունքէն ետք եկեղեցւոյ «Չանից» սրահին մէջ, ներկաները տօնական հիւրասիրութեամբ շնորհաւորեցին Քրիստոսի Ծնունդն ու իրենց բարեմաղթութիւնները փոխանցեցին զիրար:

Քրիստոս ծնաւ և յայտնեցաւ, օրհնեալ է յայտնութիւնը քրիստոսի։