Լիբանանն ու Հ.Մ.Ը.Մ-ը ներկայացնող Վեթերան Մարզիկ Լեւոն Թաշճեան հանդիսացաւ առաջին Լիբանանցին, իր տարիքային խումբին մէջ և Վեցերորդ դիրքը գրաւելով ընդհանուր դասաւորման մէջ:
Կազմակերպութեամբ՝ Լիբանանի Երտասարդական և Մարմնակրթութեան Նախարարարութեան, և Հովանաւորութեամբ՝ BLOM Bank-ի, Կիրակի 13 Նոյեմբեր 2016-ի առաւօտեան, Պէյրութի մէջ տեղի ունեցաւ տարեկան բարեգործական մարզական ձեռնարկը՝ Մարաթոն Պէյրութը, աշխարհի զանազան երկիրներէ և Լիբանանէն հազարաւոր անձերու մասնակցութեամբ:
Մարաթոնը, որ սկսաւ առաւօտեան ժամը 7:00-ին, կը ներառէր 11 մրցումներ՝ չափահասներու, կիներու, ուսանողներու, երեխաներու (ծնողներու ընկերակցութեամբ) և յատուկ կարիք ունեցող անհատներու:
Անշուշտ մրցումներու գագաթնակէտը մէջազգայնօրէն ճշդուած և արտօնուած 42 քիլոմեթր վազքն էր, որ սկսաւ Պէյրութի նորակառուցուած ծովեզերքէն և աւարտեցաւ Պէյրութի Նահատակաց հրապարակին մէջ՝ անցնելով զանազան փողոցներէ և շրջաններէ՝ Ռաուշէ, Համրա, Պուրճ Համուտ, Ժտէյտէ, Տըպպայէ և Մար Մխայէլ:
Լիբանանն ու Հ.Մ.Ը.Մ-ը ներկայացնող Վեթերան Մարզիկ Լեւոն Թաշճեան հանդիսացաւ առաջին Լիբանանցին, իր տարիքային խումբին մէջ՝ Վեցերորդ դիրքը գրաւելով ընդհանուր դասաւորման մէջ:
Այս առիթով, Այնճարի Հ.Մ.Ը.Մ վարչական կազմն ու բոլոր եղբայրերն ու քոյրերը, Այնճարի հայութիւնը, գլխաւորութեամբ՝ «Կարմիր Լեռ» կոմիտէին, կու գայ շնորհաւորելու Ընկեր և Եղբայր Լեւոն Թաշճեանը, իր այս փայլուն յաղթանակին համար:
