ԳՈՒՍԱՆ ՍԵՆԵԿԱՅԻՆ ԵՐԳՉԱԽՈՒՄԲ
Կազմակերպութեամբ՝ Համազգայինի Լիբանանի Շրջանային Վարչութեան, Հովանաւորութեամբ և նախաձեռնութեամբ Մուսալեռ-Այնճարի Ս. Պօղոս եկեղեցւոյ թաղականութեան, Կիրակի 11 Դեկտեմբեր 2016-ին, երեկոյեան ժամը 5:00-ին, Այնճարի Սուրբ Պօղոս եկեղեցւոյ մէջ, տեղի ունեցաւ Գուսան Սենեկային Երգչախումբի համերգը, խմբավարութեամբ՝ Գրիգոր Ալոզեանի:
Համերգին ներկայ գտնուեցան գիւղիս հոգեւոր հայրերը, «Կարմիր Լեռ» կոմիտէն, քաղաքապետը, խնամակալութիւնը, թաղականութիւնը, միութեանց ներկայացուցիչները և հոծ բազմութիւն մը:
Ներկայ բազմութեան հոգիները լեցուեցան Կոմիտասի, Եկմալեանի հոգեպարար երաժշտութեամբ:
