Հ.Մ.Ը.Մ-ի Կաղանդ Պապան Այնճարի Մէջ
Հովանաւորութեամբ՝ Հ.Մ.Ը.Մ Այնճար մասնաճիւղին, և կազմակերպութեամբ՝ Հ.Մ.Ը.Մ Այնճարի սկաուտական խորհուրդին և խմբապետական կազմին, Շաբաթ 31 Դեկտեմբեր 2016-ին, Արի-Արենուշ խումբերու անդամները և բոլոր մասնաճիւղի աստիճանաւորականները, երեկոյեան, Այնճարի հրապարակի շուրջը կանգնած, բաժնեցին բոլոր շրջողներուն, մանուկներուն և երիտասարդներուն յատուկ պատրաստուած ուտեստեղէնի տոպրակներ, տօնական ուրախ մթնոլորտ մը ստեղծելով գիղին մէջ:
Ինչպէս նաեւ ուշ գիշերին, Այնճարի Հ.Մ.Ը.Մ մասնաճիւղի ընտանիքը, շրջեցաւ գիւղիս փոքրիկներուն տուները, մասնակցութեամբ՝ կաղանդ պապաներու, և խանդավառ մթնոլորտ ստեղծեց անոնց մօտ:
Նշանախօսութիւն
Շաբաթ 31 Դեկտեմբեր 2016-ին, տեղի ունեցաւ Սէրլի Պաթուզեանի և Ցոլակ Շխրտմեանի նշանախօսութիւնը:
Այս ուրախ առիթով, կը շնորհաւորենք զիրենք, մաղթելով անոնց երջանկութիւն:
Անսխալ Գրենք
Ազդակ օրաթերթի կազմակերպած Անսխալ Գրենք մրցանքի մրցանակաբաշխութիւնը տեղի ունեցաւ Չորեքշաբթի, 28 Դեկտեմբեր 2016-ին: Ազգային «Յառաջ» Գ. Կիլպէնկեան Վարժարանի մրցանակակիր աշակերտներն էին Փաթիլ Թասլաքեան (անսխալ), Լոռի Գառնէշեան (անսխալ) և Արենի Այնթապեան (1 սխալ):
Կը շնորհաւորենք մեր աշակերտները, մաղթելով իրենց նորանոր յաջողութիւններ:
