Մահազդ
Երեքշաբթի 31 Յունուար, 2017-ին, մահացաւ Մովսէս Պետրոս Քէօհիւլեան (Ծնեալ 1920)
Յուղարկաւորութեան արարողութիւնը պիտի կատարուի Չորեքշաբթի 1 Փետրուար 2017-ին, կէսօրէ ետք ժամը 2:00-ին, Այնճարի «Ս. Տիրամայր Վարդարան» Եկեղեցւոյ մէջ, ուրկէ հանգուցեալին մարմինը պիտի փոխադրուի Այնճարի գերեզմանատունը:
Մեր խորին ցաւակցութիւնները կը յայտնենք հանգուցեալին ընտանեկան պարագաներուն և հարազատներուն:
Այնճարի Մէջ Հայ Յեղափոխական Դաշնակցութեան 126-Ամեակի Տօնակատարութիւն. Շահան Գանտահարեան. «Դաշնակցութիւնը Փորձառութիւն Ունի Փայլուն Կատարողականութեամբ Ազգ-Բանակ Կերտելու»
Կազմակերպութեամբ ՀՅԴ «Կարմիր լեռ» կոմիտէի քարոզչական յանձնախումբին, կիրակի, 29 յունուար 2017-ին, երեկոյեան ժամը 5:00-ին, Այնճարի «Սարգիս Զէյթլեան» ժողովրդային տան Նահատակաց յուշակոթողին մօտ տեղի ունեցաւ հոգեհանգստեան արարողութիւն եւ ծաղկեպսակի զետեղում` ի յիշատակ ՀՅԴ շարքերէն առյաւէտ բաժնուած ընկերներուն եւ հայոց բանակի զոհուած զինուորներուն: Հոգեհանգստեան պաշտօնը կատարեցին գիւղի հոգեւոր հայրերը` նախագահութեամբ Վարուժան արք. Հերկելեանի: Ներկայ էին «Կարմիր լեռ» կոմիտէն, Այնճարի քաղաքապետ Վարդգէս Խօշեան, համայնքներու եւ միութիւններու ներկայացուցիչներ եւ հոծ բազմութիւն մը:
Ապա ՀՅԴ 126-ամեակի տօնակատարութիւնը տեղի ունեցաւ «Գ. Կիւլպէնկեան» սրահին մէջ` երեկոյեան ժամը 5:30-ին: Լիբանանի, Հայաստանի եւ Դաշնակցութեան քայլերգներու ունկնդրութենէ ետք, ՀՅԴ ԼԵՄ-ի «Շաւարշ Միսաքեան» մասնաճիւղին անունով ձեռնարկին բացման խօսքը արտասանեց Միրէյ Աշըգեան, որ ներկաներէն խնդրեց մէկ վայրկեան յոտնկայս լռութեամբ յարգել Հայ յեղափոխական դաշնակցութեան եւ հայոց բանակի նահատակներուն յիշատակը:
Ողջունելէ ետք բոլոր ներկաները Աշըգեան ըսաւ, թէ «մենք` ժառանգորդները քրիստափորներու, ռոստոմներու, զաւարեաններու եւ խիզախ ֆետայիներու, բարձրաճակատ պիտի քալենք դէպի արեւագալը մեր հայրենիքին` վսեմ գաղափարի փշոտ ուղիէն: Մենք կարօտ ենք հազարամեայ մեր վանքերուն, մեր լեռներուն, դաշտերուն եւ կիսաքանդ մեր բերդերուն: Սփիւռքի թէ հայրենիքի մէջ, մենք` հայ երիտասարդներս յոյսն ենք մեր ժողովուրդին: Մենք մեր բազմադարեան պատմութեան ընդմէջէն սորված ենք, թէ մեր միակ փրկութիւնը մեր սեփական ուժին մէջ է, եւ այդ սեփական ուժն ու զօրութիւնը կը կազմուի միայն ու միայն միասնակամութեամբ: Մեր միասնակամութեան եւ հաւաքական ուժին դիմաց կը փշրուին թշնամիին բոլոր սադրանքներն ու դաւադրութիւնները: Այս է կտակը 126 տարիներ առաջ կեանք առած գաղափարական հնոցին` Հայ յեղափոխական դաշնակցութեան: Այս է ուխտն ու նպատակը հայրենասիրութեան եւ նուիրումի գաղափարները ջամբող ՀՅԴ Լիբանանի երիտասարդական միութեան»:
Ապա Անդրանիկ Ծառուկեանի «Թուղթ առ Երեւան»-էն հատուածներ ասմունքեցին Արտակ Կէօքճեան, Կարէն Անտոնեան եւ Կրէյս Գալուստեան:
Օրուան բանախօսն էր «Ազդակ»-ի տնօրէն եւ գլխաւոր խմբագիր Շահան Գանտահարեան, որ իր խօսքին մէջ անդրադարձաւ ՀՅԴ-ի հիմնադրութեան 126-ամեակին եւ հայոց բանակի հիմնադրութեան 25-ամեակին` նշելով. «Դաշնակցութեան օրուան Այնճարի մէջ նշումին ու Հայաստանի Հանրապետութեան մէջ հայոց բանակի օրուան տօնակատարութեան թուականներու համատեղումը խորհրդաւոր զուգադիպութիւն է: Եթէ առաջինը հայ ազատագրական շարժումի առաջնորդ կուսակցութեան անցած դարաւոր ուղիի արժեւորումի եւ քաղաքական հետագայ գործունէութեան ուղենշման առիթ է, ապա երկրորդը ոչ միայն Հայաստանի Հանրապետութեան, այլ հետզհետէ նաեւ ամբողջ հայկական աշխարհի անվտանգութեան գլխաւոր երաշխիքի արժեւորման օրն է»:
Անդրադառնալով Հայաստանի մէջ ազգ-բանակ առաջադրանքին` Շահան Գանտահարեան ըսաւ. «Այսօր մեր պետութեան առջեւ իբրեւ հրամայական դրուած է ազգ-բանակ հասկացողութիւնը իրականութեան վերածելու առաջադրանքը: Ազգ-բանակը քաղաքագիտութեան մէջ իբրեւ գործնական օրինակներ կը վերցնէ ընդհանրապէս պատերազմական կամ կիսապատերազմական իրավիճակի մէջ գտնուող երկիրներու պարագային կիրարկուած դրութիւնը: Արցախի կամ Հայաստանի Հանրապետութեան պարագային, երբ ցամաքային առումով թէ՛ Ազրպէյճանը եւ թէ՛ Թուրքիան շրջափակած են մեր հայրենիքը, երբ Պաքուն ո՛չ միայն Արցախի հետ շփման գիծերու վրայ, այլ նաեւ Հայաստանի Հանրապետութեան հետ պետական սահմանի երկայնքին կը կատարէ ոտնձգութիւններ, ներթափանցման գործողութիւններ, արձակազէններ գործի կը լծէ ո՛չ միայն հայկական դիրքերու վրայ հսկող զինուորներու, այլ նաեւ անզէն բնակչութեան դէմ, ապա աւելի անհրաժեշտութիւն կը դառնայ ազգ-բանակ հասկացողութեան շօշափելի, ամէնօրեայ դրոյթի վերածուիլը»:
Շարունակելով իր խօսքը` Շահան Գանտահարեան ըսաւ. «Շրջահայեաց ներազգային դիտարկումը պիտի համոզէ բոլորը, որ ազգ-բանակ հասկացողութիւնը 1890-էն սկսեալ ամէնէն յաջող կերպով եւ ամէնէն փայլուն կատարողականութեամբ իրականացուցած է Հայ ազատագրական շարժման առաջնորդ կուսակցութիւնը` Հայ յեղափոխական դաշնակցութիւնը»:
Յետ բանախօսութեան, Այնճարի երիտասարդական նուագախումբը ելոյթ ունեցաւ «Տուն իմ հայրենի», «Գեղեցիկ հոտաւէտ» եւ «Ելիր ի զէն հայոց զինուոր» երգերով` մենակատարութեամբ Յովնան Քէշիշեանի:
ՀՅԴ 126-ամեակի հանդիսութիւնը փակուեցաւ ՀՅԴ «Յառաջ» պատանեկան միութեան անդամներուն կատարողութեամբ «Արիւնոտ դրօշ» երգով:
Բախտաւորուած
Տէր և Տիկին Յովիկ և Սեդա Կիւտէշեաններ, բախտաւորուած են մանչ զաւակով մը Անթոնի (18 Յունուար 2017)
Կը շնորհաւորենք Տէր և Տիկին Կիւտէշեանները, ինչպէս նաեւ իրենց հարազատները, այս ուրախ առիթով:
Մուսալեռցի Կանայք
Խոնարհվում եմ: Քաջ, կենսասեր, կամային, ընտանեպաշտ, ազգասեր: Կանայք, ովքեր հաղթել գիտեն: Նրանք բոլորը զինվոր են նաև: Գիտեն զենքի գաղտնիքները: Մուսալեռան ինքնապաշտպանության օրերին նրանք զենք են վերցրել իրենց ամուսինների հետ: Կռվել են, հաց են թխել ու էլի զենք են վերցրել: Ժպտացել են կյանքին, ու կյանքը շարունակվել է իրենց համար: Նրանց կենսասիրությունն անցել է սերունդներին: Լինելով տոհմիկ մուսալեռցու հետնորդ՝ հասկացել եմ, որ այդ բնակավայրի ժողովուրդը շատ բան է վերցրել պերճաշուք բնությունից, սիրել ազգային երգը, մանավանդ՝ պարը: Այսօր էլ մուսալեռցիների տանը հավաքույթներին հնչում են հաղթական պարեր ու հայտնի ՛՛Հալա հալա Նինոյ՛՛-ը: Երիտասարդներն էլ շատ հայրենասեր են, պահպանում են սովորույթները ընտանեկան, իրենց համար կարևոր է ամեն ինչ. այն ամենը, ինչը հիշեցնում է մուսալեռցու կենցաղը՝ խոհանոցը, երգն ու պարը, բարեկամներին հիշելն ու բարեկամություն անել կարողանալը: Այդպիսին է այդ հատվածի՝ հաղթանակ վայելած պապերից եկած սերնդի այսօրվա նկարագիրը:
Հայրենի Մտաւորական՝ Անի Փաշայեան
Մահազդ
Շաբաթ 21 Յունուար 2017-ին, մահացաւ Ժան Զօպայեան (Ծնեալ 1930)
Յուղարկաւորութեան արարողութիւնը պիտի կատարուի Կիրակի 22 Յունուար 2017-ին կէսօրէ ետք ժամը 3:00-ին , «Սուրբ Պօղոս» եկեղեցւոյ մէջ Այնճար, ուրկէ հանգուցեալին մարմինը պիտի փոխադրուի Այնճարի գերեզմանատունը:
Մեր խորին ցաւակցութիւնները կը յայտնենք հանգուցեալին ընտանեկան պարագաներուն և հարազատներուն
