Լուրերու Արխիվ
Ուրբաթ 25 Դեկտեմբեր 2020-ին, Այնճարի Հայ Կաթողիկէ համայնքը հակառակ տիրող կացութեան նշեց Սուրբ Ծննդեան տօնը, «Սուրբ Վարդարանի Տիրամօր» եկեղեցւոյ մէջ:
Արդարեւ տեղի ունեցաւ եկեղեցական արարողութիւն, սուրբ եւ անմահ պատարագ, որուն ընթացքին Ժողովրդապետ Հայր Մեսրոպ Թօփալեան իր քարոզին մէջէն փոխանցեց ներկաներուն ծնունդի խորհուրդը մաղթելով բոլորին առողջութիւն, խաղաղութիւն, արեւշատութիւն եւ բարեբեր տարի մը:
Քրիստոս Ծնաւ եւ Յայտնեցաւ,
Ձեզի Մեզի Մեծ Աւետիս:

13353409664137160820035748868444741894399151n
13336557264137159086702583127627765763721281n

 

Պէյրութի Մարաթոնի միութիւնը, ազնիւ գաղափար մը ունեցաւ կազմակերպելու իր տեսակին մէջ եզակի եւ ձեւով մըն ալ «անձնական» մարաթոնի վազքի մրցում մը, որուն ընթացքին մարզիկները վազեցին իրենց բնակած շրջաններուն մէջ, իրենց նախընտրած երկարութեամբ, 5 քմ-էն սկսելով եւ հասնելով մինչեւ 21 քմ-ի:

Մրցումը տեղի ունեցաւ կիրակի, 20 դեկտեմբերին, լիբանանեան բազմաթիւ շրջաններու մէջ:

Ապա, մասնակիցները իրենց լուսանկարները ուղարկեցին կազմակերպիչ միութեան: Վերջինս յառաջիկային մրցումին բոլոր մասնակցողներուն պիտի ուղարկէ յուշանուէր-մետալները:

Նշուեցաւ, որ մասնակցութեան հասոյթը ամբողջութեամբ պիտի յատկացուի «Սեզոպել» դպրոցի աշակերտութեան:

Այս մրցումը կազմակերպելով` Պէյրութի Մարաթոնի միութիւնը փորձեց ստեղծել ուրախ մթնոլորտ մը` լիբանանցիներուն մօտ, հակառակ երկրին մէջ տիրող անորոշ վիճակին:

Լիբանանի մէջ կատարուող բոլոր վազքի մրցումներուն եւ մարաթոններուն մասնակցող Լեւոն Թաշճեան իր կարգին մասնակցեցաւ անոր` Այնճարի պարտէզներուն մէջ վազելով 21 քմ:

20 քմ վազելէ ետք, վերջին 1 քմ-ին ՀՄԸՄ-ական եղբօր միացան անոր երրորդեակ զաւակները` Պետօ, Անի եւ Արին:

Անոնք այս վազքի մրցումին մասնակցեցան ՀՄԸՄ Այնճարի անունին տակ:

levon-tashjian-and-his-triplets-kids122120

Հպարտութեամբ կը տեղեկացնենք, գիւղիս զաւակներէն Երկաստղանի Սպայ՝ Մովսէս Սարգիս Նաշալեան, որ Լիբանանեան բանակի կողմէ մասնակցած է Ամերիկայի Միացեալ Նահանգներու Գալիֆորնիոյ նահանգի ճորճիա ռազմակայանին մէջ տեղի ունեցած Միջազգային զինուորական մասնագիտական յատուկ ծրագրի մը ,գրաւած է առաջին դիրք՝ արժանանալով բարձրագոյն միջինի:
Ան արժանացած է նաեւ Պատուոյ Շքանշանի եւ դասուած գերազանցիկ իր զինուորական Մասնագիտականացման ( professionalism) եւ ղեկավարելու (leadership) ձիրքերուն համար:
Կը շնորհաւորենք եւ յարատեւ վերելք կը մաղթենք:
حقّق الضابط في الجيش اللّبناني موسيس نشاليان نتائج باهرة أثناء متابعته لدورة عسكرية في قاعدة عائدة للجيش الأميركي في ولاية جورجيا - الولايات المتحدة الأمريكية و شملت تسجيل أعلى علامات (GPA ) ضمن المشاركين في الدورة العسكرية و نيله وسام إظهار القدرات المتخصّصة في القيادة العسكرية و ذلك ضمن حفل تخرّج و مراسم عسكرية رسميّة. يشار الى ان الضابط نشاليان ابن بلدة عنجر البقاعية .

13188952663815362085548957690697778877973614n

 

Վերջին Լուրեր