Լուրերու Արխիվ
 
Շնորհիւ մեր հայրենակիցներուն եւ համակիրներուն անսակարկ նուիրումին եւ վստահելիութեան հանդէպ ՀՅԴ «Կարմիր Լեռ» կոմիտէին՝այսօր կու գանք յայտարարելու թէ մեր գիւղի բնակիչներէն պրն. Ալեք Տումանեան 50 միլիոն լ.ո. ասպետական նուէրով մը մասնակից կը դառնայ մեր գիւղին այս դժուարին օրերու դիմագրաւած աշխատանքին:
Իր փափաքով սոյն գումարը պիտի տրամադրուի գիւղիս հաւելեալ կարիքաւոր 100 ընտանիքներու հաւասարապէս Ս. Զատկուան տօնին նախօրեակին:
Կոմիտէի եւ համայն Այնճարի անունով պրն. Ալեք Տումանեան ընդունեցէք մեր շնորհակալութիւնները մաղթելով ձեզի առողջութիւն եւ բեղումնաւոր գործունէութիւն:
ՀՅԴ «Կարմիր Լեռ» կոմիտէ
 
Մարտ 3 1986 ,
Մարտ 14 , 2021
35 տարիներ ետք ,
Ընկեր Զաւէն Թաշճեանի նահատակութեան յիշատակին ի դիմաց այսօր .
Վտանագաւոր այն չէ թէ լաւի եւ գէշի միջեւ պայքարը մարդկային պատմութեան ընթացքին յարատեւ շարունակուի, այլ վտանգաւորը այն է երբ մարդիք կորսնցնեն այն զգացումը , վատի , ստի, կեղծիքի եւ ոճրային արարքներու դէմ պայքարելու ոգին:
Այսօր եկած ենք հաստատելու թէ՝ ոչ մէկ ուժ պիտի կրնայ տկարացնել մեզ , այն պայքարին մէջ ուր դաշնակցականի վճռակամութեամբ պիտի դիմագրաւենք ամէն տեսակի դժուարութիւններ, պիտի յաղթահարենք բոլոր տեսակի դաւաճանութիւնները , պիտի կասեցնենք դաւադրութիւնները, որոնք կը փորձեն պառակտել մեր ժողովուրդին միակամութիւնը:
Ընկեր Զաւէնը եղաւ զոհը իր սկզբունքներուն:
Ան իր մէջ ամփոփեց մարդկայինը , ազգայինը եւ դաշնակցակայինը :
Ինքնազոհութեան տիպար օրինակով, անտեսեց փառքն ու ցուցամոլութիւնը:
Ան Եղաւ համեստ հայր: Անսակարկօրէն հարստացուց իր շրջապատը դաշնակցականի բարոյականութեամբ, Մարմնաւորելով հաւատաւոր դաշնակցականի տիպարը :
Ան ամռօրէն պաշտպանեց իր համոզումները եւ գաղափարները ընկերական հաւաքներու եւ ժողովներու ընթացքին, ընդգծելով միշտ ճշմարտութիւնը , բայց երբէք այդ կեցուածքները հրապարակայունութեամբ չդրսեւորեց :
Մնաց յանձնառու դաշնակցական. Հ.Յ.Դ.-Ի որոշումներուն Ենթարկուելով Կերտեց Դաշնակցականի Որոշումը Հաստատելու հսկայ Վաստակ մը:
Ինքնուրոյն մտածողութեան տէր եւ առանձնայատուկ գործելակերպով մնաց ՀՅԴ. Ծրագրի Եւ Կանոնագրի Հովանիին Ներքեւ :
Խորաթափանց նայուածքով տեսաւ լաւը ու պայքարեցաւ անոր համար:
Սիրտ մը հզօր, որուն մէջ տեղաւորեց հսկայական մարդկային սէր, անաղարտ հայրենասիրութիւն եւ աւելին ներելու վեհ զգացում :
Միտք մը, որ մտածեց միայն բարիին համար:
Մնաց հաւատաւոր Այնճարցի:
Իր կրած ցաւերը եւ տառապանքները ծնունդ տուին վեհին ու վսեմին:
Ընկեր Զաւէն ,
Մենք բոլորս ալ նահատակութեան ծրագիրներ ենք , հազար երանի քեզի եւ քէզպէսներուն որոնց ծրագիրները իրականացան .յանուն մեր ազգային արժանապատւութեան հզօրացման :
Փառք ու պատիւ քեզ, երբ կը նայիս մեզ հիմա բարձրէն, քու խօսքերդ եւ կեցուածքներդ պիտի ըլլան մեր ուղղեցոյցը:
14 Մարտ 2021 Հ.Յ.Դ. « Կարմիր Լեռ » կոմիտէ
 
 
 
 
Թող գարնանամուտին ծաղկի քո հոգին,
Թող գարնան բոյրը քեզ միշտ ուղեկցի դէպի լոյսի ճանապարհ,
Քո փափուկ սիրտը թող զարթօնք ապրի,
Եւ զարթօնք ապրած արագ բաբախի...
Շնորհաւոր Մարտի 8՝ Կանանց Միջազգային Տօնը
 
 
 
 
 
 
 
Կիրակի 14 Մարտ 2021-ին, «Ս. Պօղոս» եկեղեցւոյ մէջ տեղի ունեցաւ հոգեհանգստեան արարողութիւն ազգիս նահատակ ընկ. Զաւէն Թաշճեանի յիշատակին :
Ապա ներկաները ուղղուեցան Այնճարի գերեզմանատուն ուր հոն եւս հոգեհանգստեան արարողութիւն կատարուեցաւ նահատակ ընկերոջ շիրիմին կողքին, ուր տեղի ունեցաւ ծաղկեպսակի զետեղում Հ.Յ.Դ Լ.Ե.Մ․-ի «Շ. Միսաքեան» մասնաճիւղի կողմէ։
Աւարտին 《Ս. Զէյթլեան》 կեդրոնին մէջ տեղի ունեցաւ հոգեսուրճի հաւաք ընտանեկան պարագաներուն, ընկերներուն եւ հայրենակիցներու ներկայութեամբ։
16107881867585232208561908183281564264431351n
16066329267585229475228845199790380785914584n
1609966306758523474189498857522041918726287n
16055421267585237608561364719594655165401892o
16056083867585239841894472926702535531816631n
«Քեզ նման կանաչ կեանքով քեզ համար ելած մարտի,
Կը մեռնեմ, միայն թէ դու դարերում ազատ խշշաս,
Իմ հեռո՜ւ, հեռո՜ւ Նաիրեան դալար բարտի:
Քեզ նման կանաչ կեանքով քեզ համար ելած մարտի,
Իմ հեռո՜ւ, հեռո՜ւ Նաիրեան դալար բարտի:»
Համօ Սահեան
Նուիրուած ընկեր Զաւէն Թաշճեանի յիշատակին։
Մեր նահատակները մեր մասունքներն են։
15698292067137980786620381471817315661187368n

Վերջին Լուրեր